अमरावती : पतीला सोडून ती एकटी राहत होती, तिच्या आयुष्यात दुसऱ्या युवकाने प्रवेश केला. त्याने लग्नाचे आमिष दाखवून आठ ते नऊ वर्षांपर्यंत तिचे शारीरिक शोषण करून वाऱ्यावर सोडले. याप्रकरणी पीडितेच्या तक्रारीवरून फ्रेजरपुरा पोलिसांनी (ता. 28) ला रात्री रोशन गवई (वय 28 ) विरुद्ध गुन्हा दाखल केला.

पीडितेने नोंदविलेल्या तक्रारीत सन 2006 पासून रोशनसोबत संबंध होते, परंतु मागील दोन महिन्यांपासून तो टाळत होता. पती व्यसनाधीन असल्याने तिने पतीला सोडून, एकटीच भाड्याच्या खोलीत राहत होती. रोशनला जाब विचारण्यासाठी ती त्याच्या गावी जाऊन आली, परंतु तो तेथेही दिसला नाही. त्याच्या नातेवाइकांनी तिला टाळले.

आठ ते नऊ वर्षांपर्यंत केवळ आश्‍वासनांवर ठेवून रोशनने आपल्यावर अत्याचार करून वाऱ्यावर सोडल्याचा आरोपी पीडितेने फ्रेजरपुरा ठाण्यात दाखल तक्रारीतून केला. शुक्रवारपर्यंत (ता. 29) त्याला अटक झाली नसल्याचे पोलिस निरीक्षक पुंडलिक मेश्राम यांनी स्पष्ट केले. महिला उपनिरीक्षक ज्योती बळेगाव या गुन्ह्याचा तपास करीत आहेत.

गुड न्यूज... विदर्भात 15 जूनपर्यंत मॉन्सून

सुखाचा सुरू असलेला संसार सोडून एका मुलीची आई अविवाहित युवकाच्या प्रेमात पडली अन्‌ घरदार सोडून त्याच्यासोबत निघून गेली. त्याने तिला आठ वर्षे जवळ ठेवले. नंतर त्याने प्रेयसीला हाकलून दिले. आधी पतीला तिने, तर नंतर प्रियकराने तिला वाऱ्यावर सोडल्याने ती पोलिस ठाण्यात पोहोचली. परंतु, पोलिसांनीही तिला इकडून तिकडे चकरा मारायला लावल्याची घटना गुरुवारी उघडकीस आली होती.

प्रेमाच्या ओढीने ती राजापेठ येथून पतीला सोडून मुलीसोबत प्रियकराकडे आली. अन्‌ लग्न न करता दाम्पत्याप्रमाणे ते राहू लागले. या काळात पतीनेही तिच्याकडे बघितले नाही. तिने पहिल्या पतीपासून घटस्फोटही घेतला नाही. आठ वर्षे विवाहित प्रेयसीसोबत राहिलेला प्रियकर गेल्या काही दिवसांपासून तिला टाळत होता. लॉकडाउनच्या काळात तो जिल्ह्यातील दुसऱ्या गावी गेला. कुटुंबीयांनी त्याचे लग्न एका युवतीसोबत जुळविले. याप्रकरण महिलेच्या तक्रारीवरून फ्रेजरपुरा पोलिसांनी गुन्हा नोंदवला.