अमरावती : मर्यादेपेक्षा अधिक वऱ्हाडींना आमंत्रित केल्याने लग्नसोहळा करणाऱ्यांना वीस हजार रुपये, राजकमल चौक येथील आइस्क्रीम पार्लरला सोशल डिस्टन्स न पाळल्याबद्दल आठ हजार रुपये त्याचप्रमाणे गृहविलगीकरणातील तीन रुग्णांना त्यांनी नियमभंग केल्याने पंचवीस हजार रुपयांचा दंड महानगरपालिकेकडून करण्यात आला.
न्यू कॉलनी व हमालपुरा या भागातील तीन कोरोनाबाधित रुग्ण गृहविलगीकरणात आहेत. त्यांनी कोरोना नियमांचे पालन करण्याचे हमीपत्र दिले होते. मात्र त्याचे उल्लंघन केल्याने त्यांना प्रत्येकी पंचवीस हजार रुपये दंड करण्यात आला.
मंगलधाम परिसरातील ऋषभ कॉलनी येथे डकरे यांच्याकडे लग्नसोहळा सुरू होता. कोरोना संक्रमणाच्या पार्श्वभूमीवर आपत्ती व्यवस्थापन समितीने लागू केलेल्या नियमानुसार लग्नसोहळ्यात वधू-वरासह फक्त वीस वऱ्हाडीनांच सहभागी होण्याची परवानगी आहे. या सोहळ्यात मात्र त्यापेक्षा अधिक लोकांचा समावेश आढळल्याने त्यांच्या विरोधात महापालिकेच्या बाजार व परवाना विभागाच्या पथकाने दंडात्मक कारवाई केली. त्यांना वीस हजार रुपये दंड करण्यात आला.
राजकमल चौक येथील शिवशक्ती आइस्क्रीम पार्लरमध्ये सोशल डिस्टन्सचे उल्लंघन केल्याने मनपाच्या पथकाने आइस्क्रीम पार्लरला आठ हजार रुपये दंड केला. मनपाचे पशुवैद्यक अधिकारी डॉ. सचिन बोंद्रे व बाजार परवाना विभागाचे अधीक्षक उदय चव्हाण यांच्या नेतृत्वात ही कारवाई करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.