वणी (जि. यवतमाळ) : येथून सहा किमी अंतरावर असलेल्या राजूर कॉलनी येथे डीपीवरील शॉर्टसर्किटमुळे जवळ असलेल्या सहा दुकानांना आग लागली. ही घटना शनिवारी (ता. 23) दुपारी तीन वाजताच्या सुमारास घडली. या आगीत व्यावसायिकांचे मोठे नुकसान झाले आहे.
राजूर बुद्धविहारसमोर असलेल्या जुन्या आठवडीबाजारातील वीज मंडळाच्या डीपीला शनिवारी (ता. 23) दुपारी तीन वाजताच्या दरम्यान झालेल्या शॉर्टसर्किटमुळे आग लागली.
आगीने केले रौद्ररूप धारण
या आगीत शेजारी असलेली दुकाने जळून खाक झाली. उन्हाळा व प्रचंड उष्णतामान असल्याने तीव्रपणे आगीने रौद्ररूप धारण केले होते; तर सहा दुकाने अवघ्या पाच मिनिटांत जाळून खाक झाली.
आग लागल्याबरोबर स्थानिक नागरिकांनी पाणी आणून टाकले. त्यानंतर आग आटोक्यात आली. परंतु तोपर्यंत सर्व दुकाने जळाली होती. घटनेची माहिती ताबडतोब अग्निशमन दलाला देण्यात आली. अग्निशमन वाहन आल्यानंतर पुन्हा पाण्याच्या फवाऱ्याने आग पूर्णपणे विझविण्यात आली.
आगीची माहिती मिळताच गावातील पोलिस पाटील घटनास्थळी हजर झाले. त्यांनी सर्वप्रथम अग्निशमन विभागाला संपर्क केला व स्थानिक नागरिकांना पाणी टाकण्यास सांगून आग विझविण्याचा प्रयत्न केला. त्यामुळे आग मोठ्या प्रमाणात वाढण्यास प्रतिबंध लागला. आग विझल्याने नागरिकांनी सुटकेचा श्वास सोडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.