चंद्रपूरमधून एक धक्कादायक बातमी समोर आली असून पुन्हा एकदा चंद्रपूर शहर गोळीबाराच्या घटनेने हादरले आहे. शहरातील कुख्यात गुंड हाजी सरवर याच्यावर भरदीवसा गोळीबार करण्यात आला आहे. चंद्रपूर शहरातील बिनबा गेट परिसरातल्या शाही दरबार हॉटेलमध्ये हा प्रकार घडला असून पाच अज्ञातांनी हा गोळीबार केल्याचे सांगितले जात आहे.

मिळालेल्या माहितीनुसार या हल्ल्यात हाजी गंभीर जखमी झाला असल्याची माहिती मिळत आहे. दरम्यान या घटनेने संपूर्ण घटनेने परिसर हादरला असून पोलीस या घटनेचा तपास करत आहेत.गोळीबारात जखमी झालेल्या हाजीला गंभीर अवस्थेत जिल्हा रुग्णालयात दाखल करण्यात आले आहे. दरम्यान गोळीबाराच्या घटनेमुळे शहरात तणावाचे वातावरण निर्माण झाले आहे.