अमरावती : निवडणुकांची रणधुमाळी सुरू असून बहुतांश ठिकाणी निवडणुकीसाठी रंगत वाढण्याची चिन्हे आहेत. अशातच धामणगावरेल्वे तालुक्‍यातील काशिखेड व निंभोरा बोडखा, तर मोर्शी तालुक्‍यातील पाळा व लिहिदा ग्रामपंचायत बिनविरोध झाली. 

हेही वाचा - Struggle : तिच्या गरीब संसारात ‘पदव्यां’ची श्रीमंती;...

धामणगावरेल्वे तालुक्‍यातील काशिखेड ग्रामपंचायतच्या सात जागांसाठी बुधवारी (ता. 30 डिसेंबर) उमेदवारी अर्ज दाखल करण्याच्या अंतिम दिवशी आठ अर्ज दाखल झाल्याने निवडणूक बिनविरोध झाल्याचे निश्चितच मानले जात होते. त्यानुसार अर्ज माघारीच्या दिवशी सोमवारला (ता. चार) मोरेश्‍वर ठाकरे यांनी माघार घेतल्याने ही ग्रामपंचायत बिनविरोध झाली आहे. संपूर्ण काशिखेड गावाने संघटित होऊन आदर्श निर्माण करण्यासाठी ग्रामपंचायत निवडणूक बिनविरोध करण्याचा निर्णय घेतला. विशेष म्हणजे या ग्रामपंचायतने बिनविरोध निवडीचा आदर्श निर्माण केला आहे. 

हेही वाचा - मुख्यमंत्र्यांची मिश्किल टिपणी; नागपूरकर माझा आवाज का बंद करता?

धामणगाव तालुक्‍यात 55 ग्रामपंचायतींच्या निवडणुका होत असल्याने त्यात काशिखेड गावाने आदर्श निर्माण करून दुसऱ्यांदा बिनविरोध ग्रामपंचायत केली आहे. गावाची ग्रामपंचायत बिनविरोध करण्यासाठी  आजी-माजी पदाधिकारी, ज्येष्ठ नागरिक, युवक आदींनी समन्वयातून पुढाकार घेतला. दरम्यान, बिनविरोध निवडणूक झालेल्या काशिखेड गावाच्या विकासासाठी प्रयत्नशील राहण्याचा मानस नवनिर्वाचित ग्रामपंचायत सदस्यांनी व्यक्त केला आहे. यामध्ये नरेश गावंडे, सविता बगाडे, प्रिया बोंदरे, शारदा ठाकरे, पिंटू आदमाने, उषा कावळे, गोपाल भापकर यांचा समावेश आहे. तसेच निंभोरा बोडखा येथील नवनिर्वाचित झालेल्यांमध्ये अरुण गेडाम, वेणू लांजेवार, प्रवीण बांते, राजू श्रीरामे, सुषमा डुबे, अरुणा दाभाडे, सचिन बमनोटे, सुलक्षणी बढीये, कांचन झेले आदींचा समावेश आहे. या सर्वांचे अभिनंदन केले जात आहे.