बुलडाणा : मेहकर तालुक्यातील शेलगाव देशमुख येथे तलाव किंवा धरण नसल्याने येथील गणेश विसर्जन करण्यासाठी बाळ गणेश मंडळाचे चार युवक पाण्यात बुडाले. यातील एकाचा मृत्यू झाला आहे. 

कनका या गावालगत असलेल्या पाझर तलावात गणेश विसर्जन करण्यासाठी छोट्या ट्रॅक्टरने गेले होते. तेव्हा काही युवक खोल पाण्यात गेले परंतु, त्यांना पाण्याचा अंदाज आला नाही. यातच पुरुषोत्तम न्यानेश्वर सोळाके (वय १७) आणि महादेव गजानन टाकतोडे (वय २२) हे पाण्यात बुडाले. त्यांना काही नागरिकांनी पाण्यातून काढून डोणगांव येथील प्राथमिक आरोग्य केंद्रात आणले असता त्यांना मृत्यू घोषित करण्यात आले तर अभय शिवाजीराव देशमुख या युवकाला पाण्यातून बाहेर काढून मेहकर येथील खासगी रुग्णालयात दाखल करण्यात आले. त्याची प्रकृती चांगली आहे. तर संतोष किसनअप्पा धाडकर या युवकाला पोहणे येत असल्याने तो पोहत पाण्याबाहेर आला त्यालाही रुग्णालयात दाखल करण्यात आले असल्याचे कळते.