अमरावती :  महिंद्राच्या ग्रामीण हाउसिंग फायनान्स कंपनीने वाटप केलेल्या कर्जाची वसुली करून 2 लाख 69 हजार 40 रुपयांचा अपहार केला. याप्रकरणी लीलाधर रामदास मेश्राम (रा. अंजनवती) यांच्या तक्रारीवरून दत्तापूर ठाण्यात प्रमोद दाभाडे (रा. निंभोरा बोडखा) व रामसागर गायगोले (रा. अमरावती) या दोघांविरुद्ध फसवणुकीचा गुन्हा दाखल केला.
धामणगावरेल्वे तालुक्‍यातील काही गावांमध्ये वाटलेल्या कर्जाची रक्कम 26 सप्टेंबर 2017 ते 7 ऑक्‍टोबर 2019 या कालावधीत प्रमोद व रामसागर या दोघांनी वसूल केली. ग्राहकांकडून पैसे घेताना त्यांनी बनावट पावत्या दिल्या. वसूल केलेली रक्कम कंपनीच्या खात्यात जमा न करता स्वत:च अपहार करून कंपनीची फसवणूक केली, असा आरोप मेश्राम यांनी दत्तापूर ठाण्यात दाखल तक्रारीतून केला. याप्रकरणी अद्याप कुणालाही अटक झाली नव्हती.