गडचिरोली : एटापल्लीपासून एक किमी अंतरावरील पंदेवाही टोला या गावांची अनाथ आदिवासी 21 वर्षीय युवती जंगलाच्या दिशेने शौचास जात असल्याचे पाहून तिचे घराशेजारील हॉटेल चालवित असलेला जगन्नाथ शिवकुमार बैरागी (वय 30) या विवाहित नराधमाने विनयभंग केल्याप्रकरणी पीड़ित युवतीच्या तक्रारीवरुन विनयभंग, अनुसूचित जाती-जमाती अत्याचार प्रतिबंद कायदा व इतर कलमानुसार पोलिसात गुन्हा नोंद झालेल्या आरोपीची गडचिरोली विशेष सत्र न्यायालयाने चौदा दिवसाची न्यायालयीन कोठडीत रवानगी केली आहे.

सदर पीड़ित युवती (ता. 24) मंगलवार रोजी सायंकाळी 6 वाजता दरम्यान जंगल परिसराकड़े एकटीच शौचास जात असल्याची संधी साधुन आरोपी जगन्नाथ याने तिचा पाठलाग केला. ही बाब पिडितेच्या लक्षात आल्याने ती घराच्या दिशेने परत यायला लागली. मात्र आरोपिने तिला रस्त्यात गाठून तिचे डोक्याचे केस पकडून जमिनीवर पाडून अतिप्रसंग करण्याचा प्रयत्न केला. तिने मात्र हिमतीने प्रसंगवधान साधुन त्याचे तावडीतून सुटुन घरी पडून येवून आपबीती नातेवाईकांना सांगितली. झटापटीट युवतीचे कपडे फाटले व चेहऱयावर ओरखडे पडले असुन तिने केलेल्या धाडसाने तीला त्या नराधमाच्या तावडीतून सुटका करता आली.

युवतीचे आई-वडील तिच्या बालपनीच मरण पावले असुन ती मोठया भावाकड़े राहते. अनाथ असल्याने तिला शिक्षण घेता आले नाही. याचा फायदा घेण्याच्या उद्देशाने आरोपीचे तिचा गैरफायदा घेतला आहे  एटापल्ली पोलिसांनी पीड़ित युवतीच्या तक्रारीवरुन गुन्हा नोंद करुण आरोपीला अटक व बुधवारी न्यायालयात हजर करण्यात आले. न्यायालयाने नराधमास चौदा दिवसाची न्यायालयीन कोठडीत रवानगी केली आहे.