नागपूर : भंडारा जिल्हा रुग्णालयात १० नवजात बालकांचा होरपोळून मृत्यू झाला. ही आग रात्री २ वाजताच्या सुमारास लागली होती. ही घटना अतिशय धक्कादायक आणि दुर्दैवी आहे. या घटनेची सखोल चौकशी करण्याचे आदेश गृहमंत्री अनिल देशमुख यांनी भंडारा पोलिसांना दिले आहेत. आज दुपारी गृहमंत्री देशमुख घटनास्थळी भेट देणार आहेत, तर आरोग्यमंत्री राजेश टोपे सायंकाळी घटनास्थळी जाणार आहेत. 

हेही वाचा - Live Updates भंडारा जिल्हा नवजात शिशू दुर्घटना : आगप्रकरणी मुख्यमंत्र्यांचे तात्काळ...

१७ बालके या आगीत सापडली होती. या आगीत सतरा बालकांपैकी सात बालकांना वाचविण्यात यश आलेले आहे. काल मध्यरात्रीच्या दरम्यान अचानक जिल्हा सामान्य रुग्णालयातील आऊट बॉर्न युनिट मधून धूर निघत असल्याचे दिसले. ड्युटीवर असलेल्या नर्सने दार उघडून बघितले असता त्या रूममध्ये मोठ्या प्रमाणात धूर होता. त्यामुळे त्यांनी लगेच रुग्णालयातील अधिकाऱ्यांना सांगितले. त्यानंतर अग्निशामक दलाने घटनास्थळी पोहोचून दवाखान्यातील लोकांच्या मदतीने बचावकार्य सुरू केले. या SNCU मध्ये फुटबॉल आणि इन वन अशी दोन युनिट आहेत यांपैकी मॉनिटरमध्ये असलेले सात बालक वाचविण्यात आले तर औट बॉल युनिटमधील 10 नवजात बालकांचा मृत्यू झाला