विदर्भ

कायदा मोडला नाही तर दंडच नाही

सकाळ वृत्तसेवा
नागपूर : नवीन वाहतूक कायद्यावरून सोशल मीडियावर टीकाटिप्पणी होत आहे. परंतु वस्तुस्थितीशी सुसंगत नाही. कायद्यामुळे लोकांचे प्राण वाचतील, अशी भूमिका आहे. कायदा मोडला नाही तर दंडच होणार नाही, असे नमूद करीत केंद्रीय रस्ते परिवहनमंत्री नितीन गडकरी यांनी कायद्याची भीती आवश्‍यक असल्याचे स्पष्ट केले. या कायद्यामुळेच गेल्या आठ दिवसांत वाहतूक परवाना काढण्यासाठी आरटीओ कार्यालयात गर्दी होऊ लागली, असेही ते म्हणाले.
श्री दक्षिणामूर्ती स्वयंसेवक गणेशोत्सव मंडळातर्फे महाल येथील चिटणीस पार्कवर आयोजित प्रकट मुलाखतीत ते बोलत होते. निवेदिका रेणुका देशकर आणि ज्येष्ठ पत्रकार बाळ कुळकर्णी यांनी केंद्रीय मंत्री नितीन गडकरी यांना विविध विषयांवर बोलते केले. नव्या वाहतूक कायद्याची भीती बाळगण्याचे कारण नाही, असे नमूद करीत गडकरी म्हणाले, प्रत्येकाने "वाहन' नावाचे ऍप डाउनलोड करून मोबाईलमध्ये वाहन परवाना, वाहनाची कागदपत्रे ठेवावी, ती पोलिसांना दाखवावी, एवढे साधे काम आहे. पोलिसांच्या भीतीपोटी अपघातग्रस्तांना मदत केली जात नव्हती. आता पोलिस अपघातग्रस्तांना मदत करणाऱ्यांना त्रास देणार नाही, असा कायदाच केला. मीही दंड भरला आहे, मुख्यमंत्र्यांनीही दंड भरला आहे. सीसीटीव्ही कॅमेऱ्यांमध्ये नियम मोडताना दिसले की स्वयंचलित पद्धतीने चालान तयार होते व ती घरपोच येते. त्यामुळे पोलिसांना भ्रष्टाचाराची संधीही नाही, असेही त्यांनी स्पष्ट केले. यावेळी त्यांनी गोरगरिबांची कामे करीत असल्याने त्यांचा आशीर्वाद काम करण्याची प्रेरणा देत असल्याचे ते म्हणाले. राजकारणावर बोलताना ते म्हणाले, काही चांगल्या परंपरा आहेत, त्या शिकायला हव्या. जॉर्ज फर्नांडिस, गोळवलकर गुरुजी यांच्याकडून बरेच चांगले घेण्यासारखे आहे. पक्ष बदलणारे इतिहास घडवित नाहीत. ए. बी. बर्धन यांचा विचाराशी प्रामाणिकपणा आवडतो. राजकारणात चांगले, वाईट दिवस येतील. आपण चालत राहायला हवे, संयम ठेवायला हवा, असे नमूद करीत त्यांना "आयाराम-गयाराम' यांचे पुन्हा एकदा कान टोचले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Tilak Varma Injury: तिलक न्यूझीलंडविरुद्ध T20 सामन्यांतून बाहेर, वर्ल्ड कपमध्ये खेळणार की नाही? BCCI ने दिले महत्त्वाचे अपडेट्स

Pune Election : शहरातील क्रीडा संकुल, शाळा-महाविद्यालयांत मतमोजणी केंद्रे तयार!

Maharashtra Police Foundation Day : "शहर सुरक्षेसाठी पोलिस, नागरिकांचा एकत्रित सहभाग महत्त्वाचा"- अमितेश कुमार!

Congress Manifesto: ‘पुणे फर्स्ट’चा नारा! पुण्यासाठी काँग्रेस काय करणार? जाहिरनाम्यात नेमकं काय?

Pune Traffic : "शहरात ‘कमी खर्चाचे’ वाहतूक व्यवस्थापन यशस्वी; कोंडी निम्म्याने कमी"- अतिरिक्त पोलिस आयुक्त मनोज पाटील!

SCROLL FOR NEXT