चंद्रपूर: वाघांसाठी जगभरात प्रसिद्ध असलेल्या ताडोबा अंधारी व्याघ्र प्रकल्पात मास्टर ब्लास्टर सचिन तेंडूलकर, पत्नी अंजली आणि निवडक मित्रांसोबत दाखल झाला. शनिवारी (ता. ४) दुपारी दोन वाजता तेंडुलकर कुटुंबीयांचे आगमन झाले.
मास्टर ब्लास्टर अशी ओळख असलेल्या सचिन तेंडुलकरला ताडोबा अंधारी व्याघ्र प्रकल्पातील वाघांनी मोहित केले आहे. त्यामुळेच तेंडूलकर दरवर्षी ताडोबा व्याघ्र प्रकल्पात सहकुटूंब व मित्रांसोबत जंगल सफारीसाठी येतो. शनिवारी सकाळी त्याचे पत्नी अंजलीसह नागपूर विमानतळावर आगमन झाले. चिमूरमार्गे तेंडुलकर कुटुंबीय ताडोबातील कोलारा प्रवेशव्दाराने बांबू रिसोर्ट येथे दाखल झाले. दुपार बफरची सफारी त्यांनी केली.
मागीलवर्षी मास्टर ब्लास्टर आपल्या कुटुंबीयासह ताडोबा आला होता. तेव्हा तेंडुलकर कुटुंबीयांना अलीझंझा, बेलारा व मदनापूर या तीन प्रवेशव्दाराने जंगल सफारी करताना वाघांचे दर्शन झाले होते. तेव्हा कोलारा प्रवेशव्दार येथे रिसोर्टमध्ये मुक्कामी होता. त्यानंतर शनिवारी मदनापूर प्रवेशव्दाराने दुपारी चार वाजता सफारीसाठी गेले.
सचिन सलग तीन दिवस ताडोबात मुक्कामी राहणार आहे, या काळात ताडोबातील बफर क्षेत्रात जंगल सफारीचा आनंद लुटणार असल्याची माहिती आहे. आज दुपारच्या सुमारास सफारीसाठी जात असतांना अनेकांनी छायाचित्र घेण्याचा प्रयत्न केला, मात्र सर्वांना त्याने स्पष्ट शब्दात छायाचित्र घेवू नका असे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.