विदर्भ

100 इलेक्‍ट्रिक बससाठी गुंतवणूक

सकाळ वृत्तसेवा

Updated:११ सप्टेंबर, २०१९, १:४६ AM

नागपूर : शहरात पाच महिला विशेष इलेक्‍ट्रिक बसचे लोकार्पण झाले. आणखी 100 इलेक्‍ट्रिक बससाठी नागपुरात गुंतवणूक करण्याची तयारी आहे. इलेक्‍ट्रिक बस तयार करणारी ओलेक्‍ट्रा-बीवायडी ही पहिली कंपनी असून आतापर्यंत हिमाचल प्रदेश, मुंबई, हैदराबाद, केरळ, पुणे शहरात या बसेस सुरू करण्यात आल्या आहे. यात आता नागपूरचीही भर पडली. महिलांसाठी विशेष इलेक्‍ट्रिक बस असलेले नागपूर पहिले शहर ठरल्याचे ओलेक्‍ट्रा कंपनीचे चीफ ऑपरेटिंग ऑफिसर आनंद स्वरूप यांनी नमूद केले.
इलेक्‍ट्रिक बस लोकार्पणानिमित्त नागपुरात आले असता वर्धा मार्गावरील खासगी हॉटेलमध्ये ते निवडक पत्रकारांसोबत बोलत होते. ओलेक्‍ट्रा कंपनीने इलेक्‍ट्रिक बस तयार करणाऱ्या जगातील मोठ्या "बीवायडी' कंपनीसोबत तांत्रिक करार केल्याचे नमुद करीत ते म्हणाले, या तंत्रज्ञानासह हैदराबाद येथे इलेक्‍ट्रिक बसनिर्मितीचा प्रकल्प सुरू आहे. सध्या वर्षाला दोन हजार बस तयार करण्यात येत आहे. भविष्यात कंपनीचा विस्तार करण्यात येत असून सहा हजार बसनिर्मितीचे लक्ष्य असल्याचे ते म्हणाले. कंपनी चार प्रकारच्या बस तयारी करीत आहे. यात सात मीटर लांबीची 11 ते 23 आसनी, 9 मीटर लांबीची चालकासह 32 आसनी, 12 मीटर लांबीची 34 आसनी बस असून सुरक्षेच्या दृष्टीने सर्वसोयीयुक्त असलेल्या बसचा समावेश आहे. 12 मीटर बसमध्ये दिव्यांगांना चढण्यासाठी रॅम्पही तयार करण्यात आल्याचे स्वरूप म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

100 इलेक्‍ट्रिक बससाठी गुंतवणूक

Also Read

Sangli Lok Sabha : संजय पाटील विरुद्ध विशाल पाटील यांच्यात 'टशन'; माजी मंत्र्यांच्या भूमिकेमुळे निवडणूक बनली लक्षवेधी

Sunidhi Chauhan: भर कॉन्सर्टमध्ये प्रेक्षकानं बॉटल फेकून मारली; पण ती डगमगली नाही, सुनिधी चौहाननं दिलं सडेतोड उत्तर

Elon Musk Scam : इलॉन मस्कने म्हटलं 'आय लव्ह यू', अन् तरुणीवर झाला कर्जाचा डोंगर.. काय आहे प्रकरण?

Zakia Wardak: अफगाणिस्तानी अधिकारी करायची तस्करी, दुबईहून 19 कोटींचे सोने आणताना मुंबईत पकडले