भद्रावती (जि.चंद्रपूर) : तालुक्‍यातील गुडगाव येथील शेतकऱ्याच्या घरी कपाळावर एक डोळा व नाक नसलेल्या विचित्र वासराला गाईने जन्म दिला आहे. शारीरिक व्यंग असलेल्या विचित्र वासराचा जन्म झाल्याने येथील नागरिकांनी त्याला पाहण्यासाठी एकच गर्दी केली आहे.

अवश्य वाचा - नागपुरात कोरोना वाढला; हे परिसर केले ‘सील’

गुडगाव येथील शेतकरी बाळू जरूरकर यांच्याकडे पाच वर्षापासून पाळीव गाय आहे. तिने जन्म दिलेल्या वासराचा संपूर्ण आकार परिपूर्ण असला तरी कपाळावर एक डोळा असून त्याला नाक नाही. ते वासरू तोंडाव्दारे श्वासोश्वास घेत असल्याचे शेतकऱ्यांनी सांगितले. हे वासरू जन्मानंतर ठणठणीत असून जिवंत असल्याचे जरूरकर यांनी सांगितले आहे.
गाईचा प्रसूतीकाळ पूर्ण न झाल्याने कदाचित वासराच्या शरीराची पूर्ण वाढ झाली नसावी असे जाणकारांचे म्हणणे आहे. सध्या वासरू गाईचे दुध पित नसून त्याला वरचे दुध पिण्यास दिले जात आहे.