अमरावती ः स्वच्छ सर्वेक्षणाचा डंका पिटल्या जात असलेल्या महानगरात कोरोना संक्रमणासोबतच डेंगी, मलेरिया व चिकूनगुनियाचे रुग्ण वाढू लागले आहेत. आरोग्ययंत्रणांनी केलेल्या सर्वेक्षणात ही बाब समोर येऊ लागली आहे. मात्र कोरोना वगळता इतर साथरोगांच्या नियंत्रणासाठी आरोग्ययंत्रणा हवी तितकी गंभीर नसल्याचे चित्र आहे.

अधिक माहितीसाठी - राणे दाम्पत्य आत्महत्या प्रकरणाचे गूढ उकलले : कुत्र्याचे इंजेक्शन देऊन पत्नीने केला पती, मुलांचा खून

शहरात डेंगीचे 116 तर मलेरियाचे 10 व चिकुनगुनियाचे 23 रुग्ण आढळले आहेत. कोरोना संक्रमित रुग्ण दररोज आढळत असतानाच मलेरिया व चिकुनगुनियासह डेंगीने डोके वर काढत महापालिकेच्या आरोग्य व स्वच्छता विभागाच्या कार्यक्षमतेवर प्रश्‍नचिन्ह लावले आहे. मलेरियाचा प्रकोप कमी दिसत असला तरी साथरोगांच्या श्रेणीतील हा आजार बळी घेणारा आहे. 

दरवर्षी या आजाराने मृत्यू पावणाऱ्या रुग्णांची संख्या मोठी आहे. आरोग्ययंत्रणांनी घेतलेल्या 2 लाख 46 हजार 498 रक्तनमुन्यांत बाधित रुग्ण केवळ दहा इतकेच आढळले आहेत, तर मलेरियासोबतच चिकुनगुनिया हा आजार पुन्हा शहरात फैलू लागला आहे. आतापर्यंत या आजाराचे 23 रुग्ण आढळले असून त्यातील 14 रुग्ण महापालिका क्षेत्रातील आहे. तर ग्रामीण भागात नऊ रुग्ण सापडले आहेत. 1481 रक्तनमुने घेण्यात आले होते.

क्लिक करा - रिया १७ ची तर सुशांत २० वर्षांचा; संसार फुलण्यापूर्वीच विखुरली स्वप्ने

डेंगीचा प्रादुर्भाव मात्र वाढता आहे. महापालिका क्षेत्रात 116 रुग्णांची नोंद आहे. आरोग्ययंत्रणांनी घेतलेल्या 1481 रक्तनमुन्यात हे रुग्ण बाधित असल्याचे समोर आले आहे. तीनही साथरोगांनी शहरातील आरोग्य व्यवस्था व स्वच्छता यावर प्रश्‍नचिन्ह लावले आहे. विशेष म्हणजे महापालिका क्षेत्रात स्वच्छ सर्वेक्षणाचा डंका सध्या पिटल्या जात आहे. रोज प्रभागाप्रभागांमध्ये विविध कार्यक्रम घेत फोटोसेशन सुरू आहे.

संपादन - अथर्व महांकाळ