अमरावती : एखाद्या व्यक्तीला आपल्या प्रेमाच्या जाळ्यात ओढून हवी असेल ती गोष्ट त्या व्यक्तीकडून मिळवणे असे प्रकार आजकालच्या वाढतच चालले आहेत. एखाद्या महिलेला लग्नाचे अमिष दाखवून फसवणूक करणे अशा घटना जिल्हयात वाढतच चालल्या आहेत. अशीच एक फसवणुकीची घटना अमरावती जिल्ह्यात घडली आहे.
ती विवाहित अन् दोन मुलांची आई, तो सुद्धा विवाहित, तिला गाठून तो म्हणाला पतीला सोड, अन् तू बस माझीच हो, जन्मभर सांभाळ करतो, असे आमीष दाखवून त्याने विवाहितेचे दोन वर्षे लैंगिक शोषण केल्याची धक्कादायक घटना उघडकीस आली आहे.
संदीप अशोक राजपूत (वय ३२, रा. धारणी) असे अत्याचाराचा गुन्हा दाखल झालेल्या व्यक्तीचे नाव आहे. पीडित विवाहिता व संदीप हे दोघेही एका कंपनीच्या प्रसार, प्रचार व विक्रीचे काम करीत होते. सोबत काम करीत असल्याने त्यांची जवळीक निर्माण झाल्याने त्यांच्यात चर्चाही रंगत होती. संदीपने तिच्यापुढे आपल्या मनातील भावना व्यक्त केली.
दोघेही विवाहित असल्याची त्यांना पूर्वकल्पना होती. त्याने विवाहितेला पतीला सोडून दे, मी तुझा जीवनभर सांभाळ करतो. तू फक्त माझीच हो, असे आमीष दाखवून सतत दोन वर्षापासून तिचे लैंगिक शोषण केले. असा आरोप पीडितेने धारणी ठाण्यात नोंदविलेल्या तक्रारीतून केला.
गुरुवारी (ता. सात) संदीपच्या आई आणि बहिणीने पीडितेच्या घरासमोर येऊन तिला शिवीगाळ करून जबर मारहाण केली. त्यात ती जखमी झाली. पीडितेने संदीपविरुद्ध लैंगिक शोषण केल्याची तक्रार धारणी ठाण्यात नोंदविली. विवाहितेने विरोधात तक्रार नोंदविल्याचे कळताच संदीप फरार झाला असे तपास अधिका-यांनी सांगितले.
या प्रकरणात कायद्यातील तरतुदीनुसार पीडितेच्या तक्रारीवरून पोलिसांनी कारवाई केली. पिडीतेने केलेल्या आरोपाची चौकशी सुरू आहे.
- लहू मोहंदुळे,
पोलिस निरीक्षक, धारणी ठाणे.
संपादन- अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.