खामगाव (जि.बुलडाणा) : खामगाव विधानसभा मतदारसंघाचे आमदार ॲड. आकाश फुंडकर यांची भाजपच्या बुलडाणा जिल्हाध्यक्षपदी निवड करण्यात आली आहे.

खामगाव विधानसभा मतदारसंघाचे आमदार ॲड. आकाश फुंडकर हे दुसऱ्यांदा खामगाव विधानसभा मतदारसंघातून निवडून आले. खामगाव विधानसभा मतदारसंघातील भारतीय जनता पार्टीची मजबूत पकड असून, आमदार आकाश फुंडकरांचा हा अनुभव लक्षात घेता त्यांना बुलडाणा जिल्हा भाजपाध्यक्ष पदी नियुक्ती करण्यात आली. आमदार ॲड. आकाश फुंडकर हे भाजप युवा मोर्चाचे प्रदेश उपाध्यक्ष, नगर सचिव अखिल भारतीय विद्यार्थी परिषद, जिल्हाध्यक्ष भाजप विद्यार्थी आघाडी पदी त्यांनी काम पाहिले आहे. यासोबतच त्यांनी संसदीय कार्य समिती सदस्य, अंदाज व नियोजन समिती सदस्य, सार्वजनिक उपक्रम मंडळ समिती, दक्षता व संनियंत्रण समिती या समित्यांवर त्यांनी काम पाहिले आहे. तसेच 2019 मध्ये त्यांची भाजपाच्या विधी मंडळ प्रतोद पदी नियुक्ती करण्यात आली होती.

महत्त्वाची बातमी - सोशल मीडियावरुन देहविक्रीचा व्यापार

सहा वर्षांपासून मजबून पकड
ता. 3 मार्च 2020 रोजी प्रदेशाध्यक्ष चंद्रकांतदादा पाटील यांनी खामगाव विधानसभा मतदारसंघाचे आमदार ॲड.आकाश फुंडकर यांची एका पत्रकाव्दारे केली. तसेच त्यांना भावी वाटचालीसाठी शुभेच्छा देखील दिल्या. मागील अनेक वर्षांपासून काँग्रसचे वर्चस्व असलेल्या खामगाव विधानसभा मतदारसंघावर आमदार ॲड.आकाश फुंडकर यांच्या नेतृत्वात मागील सहा वर्षांपासून मजबून पकड बनवत, जिल्हा परिषद, पंचायत समिती, नगर परिषदेवर भाजपचे सदस्य निवडून आणून ह्या संस्थांवर भाजपचा झेंडा फडकविला आहे. त्यांची बुलडाणा जिल्हाध्यक्ष पदी निवड झाल्यामुळे जिल्ह्यातील भाजप प्रेमीमध्ये आनंदाचे वातावरण आहे.