आमदार-खासदार म्हटलं की आपल्यासमोर एक ठराविक व्यक्तिरेखा उभी राहते. जनतेतून निवडणून गेलेले हे लोकप्रतिनीधी सामान्य माणसं राहत नाहीत, तर बऱ्याचदा त्यांनी व्हिआयपी कल्चरची बाधा झाल्याचं पाहायला मिळतं. मात्र याला काही अपवाद देखील आहेत.

काही आमदारांचा थाटबाट पाहायाला मिळतो तर राज्यात असेही काही आमदार आहेत ज्यांची नाळ अजूनही साधेपणाशी जोडलेली आहे. अशाच एका आमदाराच्या मातोश्रींनी सर्वसामान्यांची मने जिंकून घेतली आहेच. मुलगा आमदार असून ही माऊली आई महाकाली देवीच्या यात्रेत बांबूच्या टोपल्या विकतेय.

हेही वाचा - सामान्यांचा पैसा सुरक्षित ठेवण्यासाठीच Virtual Currency करकक्षेत

चंद्रपूरचे अपक्ष आमदार किशोर जोरगेवार यांच्या मातोश्री गंगुबाई जोरगेवार अर्थात अम्मा जोरगेवार (वय ८० वर्ष) या मागील पन्नास वर्षांपासून चंद्रपुरात बांबूपासून बनवलेल्या ताटवे-टोपल्या विकत आहेत. त्या मागची पन्नास वर्षे नेटाने हा व्यवसाय अम्मा जोरगेवार यांनी यंदा देखील देवी महाकाली यात्रेत थेट फुटपाथवर आपला व्यवसाय थाटलाय आहे. साम टीव्हीने याबद्दलचे वृत्त दिले आहे.

मुलगा आमदार झाला तरी गंगुबाई जोरगेवार या त्यांचा पारंपारिक व्यवसाय करत आहेत. बांबू ताटवे, टोपल्या यांचा पिढीजात धंदा करणारे जोरगेवार कुटुंब आजही आपला व्यवसाय मोठ्या अभिमानाने करताना दिसते.