नागपूर : अमरावती जिल्ह्यातील बडनेऱ्याचे आमदार रवी राणा यांच्या कुटुंबातील दहा सदस्य चार दिवसांपूर्वी कोरोनाबाधित झाले होते. त्यानंतर त्यांच्या पत्नी खासदार नवनीत राणाही बाधित झाल्या. कुटुंबातील एकमेव उरलेले आमदार रवी राणा यांचा अहवाल काल रात्री उशिरा पॉझिटिव्ह आल्याचे युवा स्वाभिमान पक्षाच्या पदाधिकाऱ्यांनी सांगितले. त्यामुळे राणा कुटुंब कोरोनाबाधित झाले आहे.

चार दिवसांपूर्वी राणा कुटुंबातील दहा जणांचे अहवाल पॉझिटिव्ह आल्यानंतर नवनीत आणि रवी राणा दोघेही कुटुंबीयांकडे लक्ष देण्यात व्यग्र होते. नवनीत राणा अमरावतीला तर रवी राणा नागपूरला आई-वडिलांच्या सेवेत होते. नवनीत राणा यांना काल अस्वस्थ वाटत असल्याने तपासणी करण्यात आली. त्यांची रॅपिड ॲन्टिजेन टेस्ट आणि थ्रोट स्वॅब घेण्यात आले.

कसं काय बुवा? - घरच्या कर्ता पुरुषाचा मृत्यू झाल्याने नातेवाईक रडत होते ढसा ढसा, डॉक्टरांनी दिली रुग्ण जिवंत असल्याची बातमी, वाचा संपूर्ण प्रकार...

रॅपिड टेस्टमध्ये नवनीत यांचा अहवाल पॉझिटिव्ह आला होता. इकडे नागपूरला माता-पित्याची सेवा करताना स्वतःच्या आरोग्याची काळजी न करणारे आमदार रवी राणा यांना कोरोनाची लागण झाली. नागपूर शासकीय वैद्यकीय महाविद्यालयात डीन डॉक्टर शैजल मित्रा यांच्या देखरेखीखाली त्यांची तपासणी झाली. त्यांचाही अहवाल पॉझिटिव्ह आला. आता आमदार रवी राणांच्या संपर्कात आलेल्यांचीही तपासणी केली जात आहे.

काल नवनीत राणा यांना अस्वस्थ वाटत असल्यामुळे त्यांची टेस्ट करण्यात आली. रॅपिड अ‍ॅन्टीजेन टेस्ट व थ्रोट स्वॅब घेण्यात आले. रॅपिड टेस्टमध्ये खासदार नवनीत राणा यांचा रिपोर्ट पॉझिटिव्ह आला होता. आमदार रवी राणा यांच्या कुटुंबाशी संबंधित असलेल्या सुमारे ५५ जणांच्या घशातील स्वॅब घेण्यात आले होते. त्यात आमदारांच्या वडिलांचा अहवाल रविवारी पॉझिटिव्ह आला होता. त्यानंतर आईचासुद्धा अहवाल पॉझिटिव्ह आल्याने त्यांना तातडीने नागपूरच्या खासगी रुग्णालयात हलविण्यात आले. आई, वडील, बहीण, जावई, पुतण्या, दोन भाच्या, दोन मुले व एका अंगरक्षकाचा अहवाल पॉझिटिव्ह आला होता.

मोठी बातमी - उद्धव ठाकरेंचे महाआघाडी सरकार हिंदू विरोधी, कोणी केला हा आरोप, वाचा

स्वतःहून तपासणी करून घ्या
आपल्या संपर्कात आलेल्यांनी स्वतःहून तपासणी करून घ्यावी. लक्षणे आढळल्यास तत्काळ उपचार करून घ्या.
- रवी राणा, आमदार

संपादन - नीलेश डाखोरे