मुंबईः यंदा महाराष्ट्रात १० जूनपर्यंत मोसमी पाऊस दाखल होईल, असा अंदाच हवामान खात्याने व्यक्त केला आहे. विशेष म्हणजे यंदा सरासरीपेक्षा अधिक पावसाचा अंदाज व्यक्त करण्यात आलेला आहे.

दुसरीकडे यवतमाळमध्ये रात्री वादळी वाऱ्यासह जोरदार पावसाने हजेरी लावली आहे. यवतमाळच्या उमरखेड येथे अवकाळी पावसाने हजेरी लावली आहे. विदर्भात मान्सूनपूर्व पावसाचा अंदाज हवामान विभागाने वर्तवला असून सध्या पावसासाठी पोषक वातावरण असल्याचं सांगितलं आहे.

विदर्भासह मराठवाड्यातही पाऊस होईल, असा अंदाज वर्तवण्यात आलेला आहे. मात्र शेतकऱ्यांचे डोळे मान्सूनकडे लागलेले आहेत. यंदा वेळेत पाऊस झाला तर पेरणीची कामे वेळेत होऊ शकतील. राज्यात अनेक जिल्ह्यामध्ये भीषण दुष्काळाच्या झळा सोसाव्या लागत आहेत. त्यामुळे सर्वांनाच पावसाची प्रतीक्षा आहे.