नागपूर - कोरोनाची (Corona) दुसरी लाट ओसरत असतानाच अचानक कोरोनाच्या रुग्णसंख्येने (Patients) उसळी घेतली. मागील सात दिवसांत १७९ कोरोनाबाधितांची नोंद झाली. तर १ ते ३० डिसेंबर या कालावधीत ३४५ कोरोनाबाधित नागपूर जिल्ह्यात (Nagpur District) आढळले. यामुळे जिल्हा प्रशासनाने चिंता व्यक्त केली. गुरुवारी (ता.३०) दिवसभरात जिल्ह्यात नव्याने २८ बाधितांची भर पडली असून, ४ जणांनी कोरोनावर मात केली.

जिल्ह्यात गुरुवारी ५ हजार १७२ चाचण्या करण्यात आल्या असून २८ जणांना कोरोनाची बाधा झाली. त्यात शहरातील २६ व जिल्ह्याबाहेरील २ जण आहेत.यामुळे जिल्ह्यात आतापर्यंत ४ लाख ९३ हजार ९५९ झाली आहे. आज चार जणांनी कोरोनावर मात केल्याने जिल्ह्यात कोरोनामुक्तांची ४ लाख ८३ हजार ६३८ झाली आहे. जणांनी कोरोनावर मात केली आहे.

सद्यस्थितीत शहरात १६८, ग्रामीणमध्ये १५ व जिल्ह्याबाहेर १६ असे १९९ सक्रिय कोरोनाबाधित जिल्ह्यात आहेत. यापैकी लक्षणे नसलेले संस्थात्मक विलगीकरणात तर लक्षणे असलेले शासकीय तसेच खासगी रुग्णालयांमध्ये डॉक्टरांच्या देखरेखीखाली उपचार घेत आहेत.ओमिक्रॉनचे कोरोनाचे आजवर जिल्ह्यात ६ रुग्ण आढळून आले आहेत. त्यामुळे प्रशासनही सतर्क झाले असून, पुन्हा चाचण्यांची संख्या वाढविण्यावर भर दिल्या जात आहे.