नागपूर - लॉकडाउननंतर एसटी गाड्यांची वाहतूक पूर्वपदावर येत असतानाच पुन्हा संपाची झळ बसली आहे. यामुळे नागपूर जिल्ह्यातील कोट्यवधीचा व्यापार प्रभावित झाला आहे. ग्रामीण भागात वस्तू पाठवणेही अवघड झाल्याने काही गावांमध्ये वस्तूंची टंचाई जाणवू लागल्याची माहिती पुढे आली आहे.
एसटी वाहतूक बंद असल्याने ग्रामीण भागातील नागरिक बाजारपेठेत खरेदीसाठी येणे थांबले आहे. काही व्यापाऱ्यांनी त्यावर तोडगा काढत व्हॉट्सॲप आणि इतर सोशल मीडियाच्या माध्यमातून वस्तूंची विक्री करीत आहे. मात्र, ग्रामीण भागात इंटरनेट सुविधा आणि विजेच्या पुरवठ्याच्या अडचणी आहेत. त्यामुळे अनेक ग्रामीण भागातील दुकानांमध्ये मालाची टंचाई जाणवू लागलेली आहे. दिवाळीनंतर लग्नसराईसाठी बाजारात होणारी गर्दीच गायब झाली आहे. परिणामी, अनेकांच्या हातचा रोजगारही गेला आहे.
‘गेल्या पंधरा दिवसापासून एसटी बंद असल्याने शहरातील व्यापार प्रभावित झाला आहे. ३० ते ४० टक्के व्यवसाय कमी झालेला आहे. लग्न सोहळ्याच्या तोंडावर एसटीच्या संपाने व्यापाऱ्यांच्या आनंदावर विरजण पडले आहे.’
- बी. सी. भरतीया, अध्यक्ष, अखिल भारतीय व्यापारी महासंघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.