Shirdi Loksabha Constituency: शिर्डी लोकसभा मतदारसंघाची जागा शिवसेना उद्धव बाळासाहेब ठाकरे गटाकडेच आहे. आम्ही येथे प्रचारास सुरुवात देखील केली आहे. वंचित बहुजन आघाडीचे अॅड. प्रकाश आंबेडकर महाविकास आघाडी सोबतच राहतील. त्यांनी ज्या जागा मागीतल्या आहेत, त्यावर त्यांना सोबत घेऊन महाविकास आघाडीचे नेते चर्चा करतील. ही बाब वगळता महाविकास आघाडीचे जागा वाटप निश्चित झाले. त्यावर आता चर्चा होणार नाही, अशी माहिती खासदार संजय राऊत यांनी पत्रकारांशी बोलताना दिली.

आज त्यांनी लोणी येथे जाऊन घोगरे परिवाराचे सांत्वन केले. या भेटीत पत्रकारांशी बोलताना त्यांनी ही माहिती दिली. यावेळी सुहास वहाडणे, सचिन कोते, संजय शिंदे, राजेंद्र पठारे, भरत मोरे व नानासाहेब बावके आदी पदाधिकारी त्यांच्यासोबत होते.

ते म्हणाले की, बारामतीच्या नमो रोजगार मेळाव्यास खासदार शरद पवार उपस्थित राहिले, यात वावगे काही नाही. मात्र भाजपने जेथे रोजगार आहे, तेथे हा मेळावा आयोजित केला. महाराष्ट्रात आम्ही काँग्रेसचे खासदार राहुल गांधी यांच्या भारत जोडो यात्रेचे स्वागत करणार आहोत. (Latest Marathi News)