Anganwadi Sevika Strike: अंगणवाडी कर्मचाऱ्यांचा बेमुदत संप सुरू आहे. त्यांच्या मागण्याबाबत जोपर्यंत सरकार लेखी आश्वासन देत नाही तोपर्यंत संप मागे घेणार नाही, अशी ठाम भूमिका आंदोलकांनी घेतली आहे.

कॉम्रेड नयन गायकवाड यांच्या नेतृत्वात पातूर तालुक्यातील अंगवाडी सेविकांनी अकोला येथे धरणे आंदोलन दिले.या आंदोलनाला भारतीय कम्युनिस्ट पक्ष, आयटक आशा संघटना व काँग्रेस पक्ष, इंडिया आघाडी पक्ष व इतर कामगार संघटनांनी पाठिंबा दिला आहे. अंगणवाडी कर्मचारी यांच्या प्रलंबित मागण्या बाबत नयन गायकवाड, सुनीता पाटील, सुरेखा ठोसर, दुर्गा देशमुख, सरोज, सहसचिव ज्योती ताथोड, महानंदा ढोक, सुनंदा पदमने, आशा मदने, मंगला अढावू, ज्योती ताथोड, कल्पना महल्ले, वंदना डांगे, मंगला मांजरे, प्रिया वरोटे, यांनी मार्गदर्शन केले.

काळी साडी घालून नोंदविला निषेध
काळी साडी घालून अंगणवाडी सेविकांनी निषेध नोंदवित धरणे आंदोलनात सहभाग घेतला. यावेळी पतंप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांच्या सरकाराच्या विरोधात नारे देत बस स्थानक चौकात आंदोलन केले. (Latest Marathi News)