कामठी (जि. नागपूर) : तालुक्यातील ४७ ग्रामपंचायतींपैकी २४ ग्रामपंचायतींवर महिला सरपंच विराजमान होणार आहेत. पुरुष सरपंचांची संख्या २३ असेल. पुरुषांपेक्षा महिला सरपंचांची संख्या एकने जास्त आहे.

आगामी काळात होऊ घातलेल्या ग्राम पंचायत निवडणुका लक्षात घेता जिल्हाधिकारी रवींद्र ठाकरे यांच्या आदेशानुसार कामठी येथील तहसील कार्यालयाच्या सभागृहात गुरुवारी (ता. १०) तालुक्यातील ४७ सरपंचपदाची आरक्षण सोडत काढण्यात आली. हे आरक्षण सन २०२० ते २०२५ या कालावधीसाठी आहे.

सविस्तर वाचा - लग्नाला विरोध केल्याने प्रियकराचे राक्षसी कृत्य; प्रेयसीच्या आजीचा व भावाचा निर्घृण खून

सन १९९५ ते २०१५ या कालावधीचा आरक्षण व लोकसंख्येवर आरक्षण आढावा घेऊन तालुक्यातील ४७ ग्राम पंचायतच्या सरपंचपदाचे आरक्षण काढण्यात आले. तहसीलदार गणेश जगदाळे यांच्या उपस्थितीत आरक्षणाची सोडत काढण्यात आली. तालुक्यातील नेरी येथील सुरज वंजारी या १३ वर्षीय मुलांच्या हस्ते आरक्षित पदाची ईश्वरचिठ्ठी काढण्यात आली.

तालुक्यातील २४ ग्रामपंचायतींमध्ये सरपंचपद हे आरक्षित झाले आहे. यामध्ये अनुसूचित जाती ८, अनुसूचित जमाती ३, मागास प्रवर्गातील १३ सरपंचांचा समावेश आहे. एकूण २४ महिला सरपंचामध्ये अनुसूचित जाती ४, अनुसूचित जमाती २, मागास प्रवर्गातील ७ व सर्वसाधारण प्रवर्गातील ११ महिला सरपंचांचा समावेश आहे.

अधिक वाचा - दोन्ही पाय गेले, हात तुटले तरीही जगतोय सन्मानाने, भीक मागून पोट भरणाऱ्यांना दाखविली नवी वाट

असे आहे तालुक्यातील सरपंचपदाचे आरक्षण 

संपादन - नीलेश डाखोरे