नागपूर : शहर बस महामेट्रोकडे देण्याच्या प्रस्तावावर महापालिका सभागृहानेही आज शिक्कामोर्तब केले. सभागृहाच्या मंजुरीनंतर राज्य शासनाकडे प्रस्ताव पाठविण्यात येणार आहे. 

केंद्रीयमंत्री नितीन गडकरी यांनी शहर वाहतूक व्यवस्था एकाच प्राधिकरणाकडे असावी, असे मत व्यक्त केले होते. एवढेच नव्हे त्यांनी शहर बसही महामेट्रोनेच चालवावी, असा सल्लाही दिला होता. त्याअनुषंगाने आज या प्रस्तावाला महापालिकेच्या सभागृहानेही मंजुरी दिली. मेट्रोला आपली बस हस्तांतरणाला मंजुरी देतानाच परिवहन विभागातील अधिकारी व कर्मचारीही मेट्रोत जातील की नाही? याबाबत संभ्रम आहे. मनपाच्या शहर बस सेवेमध्ये २३७ स्टँडर्ड डिझेल बस, ६ महिलांसाठी विशेष 'तेजस्विनी' बस, १५० मिडी व ४५ मिनी बस अशा एकूण ४३८ बस आहेत. याशिवाय ४० इलेक्ट्रिक बस येणार आहेत. अशा एकूण ४७८ बस महामेट्रोला देण्यात येणार आहे. 

हेही वाचा - ‘अबे ये तो मर गया..कुवे में फेक दो’; एकाला बेदम मारहाण करून खून, दोघांना अटक

साई क्रीडासंकुलाचा मार्ग मोकळा - 
तरोडी खुर्द येथे ८७ एकरावर होत असलेल्या देशातील सर्वात मोठ्या 'साई'च्या मार्ग मोकळा झाला आहे. या जागेवरील अतिक्रमणधारकांना पर्यायी जागा उपलब्ध करून देण्याचे आदेश महापौर दयाशंकर तिवारी यांनी आज दिले. भाजपचे नगरसेवक बंटी कुकडे यांनी साई क्रीडासंकुलाचा विषय आज मनपाच्या सर्वसाधारण सभेत उचलून धरला.