वाडी (नागपूर) : खडगाव येथील अख्खे एटीएम चोरट्यांनी लंपास केल्याची घटना मंगळवारी समोर आली. या मशीनमध्ये अंदाजे चार लाखांहून अधिक रोकड होती. काही दिवसांपूर्वी पाटणसावंगी येथूनही अख्खी मशीन चोरीला गेली होती हे विशेष.
पोलिसांनी दिलेल्या माहितीनुसार, खडगाव मार्गावरील राजू खोब्रागडे यांच्या निवासस्थानी "इंडिया वन' कंपनीचे एटीएम लागले आहे. सोमवारी मध्यरात्रीनंतर सुमारे दोन ते अडीचच्या दरम्यान चोरट्यांनी एटीएम नेले. सकाळी ही घटना उघडकीस येताच परिसरात एकच खळबळ उडाली. भाडेकरूंनी घरमालक खोब्रागडे यांना माहिती दिली. राजू खोब्रागडे घटनास्थळी पोहोचताच त्यांनी एटीएमचे संचालक व वाडी पोलिसांना घटनेबाबात कळविले.
वाडी पोलिस घटनास्थळी दाखल झाले. पोलिसांनी परिसरातील सीसीटीव्हीची पाहणी केली. सीसीटीव्हीत केवळ पांढऱ्या रंगाची जीप दिसत आहे. एटीएममध्ये नगदी चार लाख व मशीन चार लाख व असा एकूण 8 लाखांचा मुद्देमाल चोरट्यांनी लंपास केला. चोरांचा शोध घेणे पोलिसांसमोर आव्हान ठरले आहे.
अल्ताफ हाजी अहमद हडफा यांच्या तक्रारीवरून वाडी पोलिसांनी गुन्हा दाखल केला. यापूर्वी पाटणसावंगी येथून एटीएम लंपास केल्याची घटना समोर आली होती. दुसरीकडे ही मशीन चोरी करणाऱ्यांनीच खडगाव मार्गावरील मशीन चोरी केल्याचा संशय पोलिसांना आहे. पुढील तपास वाडीचे सहायक पोलिस निरीक्षक संकपाळ करीत आहेत.
वाडी व आसपासच्या गावात चोरीच्या घटनांमध्ये वाढ झाली आहे. नागरिकांत चोरट्यांची दहशत आहे. अलार्म व इतर साधने एटीएम सेंटरमध्ये असताना चोरट्यांनी मशीन चोरून नेल्याने चांगलीच चर्चा रंगली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.