नागपूर : दुचाकीवरून आलेल्या दोन बुरखेधारी आरोपींनी महिला आणि तिच्या मुलांवर तलवारीने वार केले. महिलेनेही त्यांना चोख प्रत्युत्तर दिले. स्वतःवर होणारे वार ती हुकवीत होती, तर मुलांवरील वार हाताने झेलले. यात ही गंभीर जखमी झाली. मुलांना घेऊन शेजाऱ्याच्या घरात आश्रय घेतल्याने तिघेही थोडक्यात बचावले. शुक्रवारी दुपारी अजनी हद्दीतील काशिनगरात ही थरारक घटना घडली.

श्रद्धा बावसे (३३, रा. काशीनगर, द्वारकापुरी) असे जखमी महिलेचे नाव आहे. त्यांचे पती रिकव्हरी एजंट आहेत. श्रद्धा या ४ वर्षांची मुलगी काव्या व दीड वर्षाचा मुलगा सिद्धार्थला सोबत घेऊन मैत्रिणीकडे जाण्यास निधाल्या. दुचाकीवरू अगदी काही अंतर पुढे जाताच दोन बुरखेधारी आरोपी दुचाकीवरून आले. त्यातील एकाने मुलाला चॉकलेट देण्याचा प्रयत्न केला. श्रद्धा यांनी त्यांना हटकले. यानंतर दोन्ही आरोपींनी जवळची तलवार काढून अचानक हल्ला चढविला.

दोन्ही आरोपींचा प्रतिकार मुलांवर होणारे वार आपल्या हातावर झेलले. जखमी अवस्थेतही प्रसंगावधान राखत दोन्ही मुलांना घेऊन शेजाऱ्यांच्या घरात शिरल्या. आरडा ओरड एकून शेजारी धावून आल्याने आरोपी पळून गेले. घटनेची माहिती मिळताच अजनी पोलिसांनी घटनास्थळ गाठले. पोलिसांनी जखमी श्रद्धा यांना उपचारासाठी मेडिकल रुग्णालयात नेले.

रात्री उशीरापर्यंत पोलिसांची कारवाई सुरू होती. परिसरातील सीसीटीव्ही फुटेज तपासून पोलिसांनी आरोपींचा सुगावा मिळविण्याचा प्रयत्न केला. गेल्या दोन दिवसांपासून आरोपी महिलेच्या मागावर असल्याचे बोलले जाते. घटनेमागील कारण अस्पष्ट आहे.