नागपूर : नववर्षात म्हणजेच २०२४ मध्ये वर्षभरात रविवार व दुसरा आणि चौथा शनिवार वगळता तब्बल २४ सार्वजनिक सुट्ट्या असणार आहेत. नेमक्या कोणत्या दिवशी बँक बंद असणार आहे याविषयी माहिती देणारे परिपत्रक महाराष्ट्र राज्य सरकारच्या वतीने काढले आहे. या दिवशी बँकांचे ऑनलाइन व्यवहार मात्र सुरू असणार आहेत.

राज्य सरकार, केंद्र सरकार आणि केंद्रशासित प्रदेश आपल्या अखत्यारीतील बँकेच्या सुट्ट्यांची यादी १८८१ च्या कायद्यांतर्गत जाहीर करतात. दर महिन्याच्या दुसऱ्या आणि चौथ्या शनिवारी भारतात बँक व सरकारी कार्यालयांना सुट्टी असते.

पण या व्यतिरिक्त राज्यातील सर्व बँक व सरकारी कार्यालये राष्ट्रीय उत्सव व सणाच्या निमित्तानेही बंद असतात.

२६ जानेवारी (प्रजासत्ताक दिन), १५ ऑगस्ट (स्वातंत्र्य दिन) आणि २ ऑक्टोबर (महात्मा गांधी जयंती) या तीन राष्ट्रीय सुट्ट्या आहेत. यासह विविध सणांच्या निमित्ताने २०२४ मध्ये बँका बंद असतील. यात स्वातंत्र दिवस आणि पारशी नूतनवर्ष एकाच दिवशी आले आहे. दुसरा शनिवार आला असल्याने दोन सुट्यांना बॅंक कर्मचाऱ्यांना मुकावे लागणार आहे.

महिन्यानुसार असलेल्या सुट्ट्या

जानेवारी : २६ जानेवारी (प्रजासत्ताक दिन)

फेब्रुवारी : १९ फेब्रुवारी- छत्रपती शिवाजी महाराज जयंती (तारखेनुसार)

मार्च : ८ मार्च - महाशिवरात्री, २५ मार्च - होळी, २९ मार्च - गुड फ्रायडे

एप्रिल : १ एप्रिल - वार्षिक लेखाबंदी, ९ एप्रिल- गुढीपाडवा, ११ एप्रिल - रमजान ईद, १४ एप्रिल - डॉ. बाबासाहेब आंबेडकर जयंती (रविवार), १७ एप्रिल- रामनवमी, २१ एप्रिल - महावीर जयंती

मे : १ मे- महाराष्ट्र दिन, २३ मे- बुद्ध पौर्णिमा

जून : १७ जून - बकरी ईद

जुलै : १७ जुलै - मोहरम

ऑगस्ट : १५ ऑगस्ट- स्वातंत्र्य दिन व पारशी नववर्ष

सप्टेंबर : ७ सप्टेंबर - गणेश चतुर्थी, १६ सप्टेंबर - ईद ए मिलाद

ऑक्टोबर : २ ऑक्टोबर- महात्मा गांधी जयंती, १२ ऑक्टोबर - दसरा,

नोव्हेंबर : १ नोव्हेंबर- लक्ष्मीपूजन, २ नोव्हेंबर- दिवाळी पाडवा, १५ नोव्हेंबर - गुरुनानक जयंती

डिसेंबर : २५ डिसेंबर- नाताळ