bar owner attempt to end his life front home ministers house  
नागपूर

गृहमंत्री अनिल देशमुखांच्या घरासमोर बारमालकाचा आत्महत्येचा प्रयत्न; पोलिसांमुळे वाचले प्राण 

अनिल कांबळे

नागपूर ः घरमालकाशी झालेला घरभाड्याचा वाद आणि आर्थिक विवंचनेतून एका बारमालकाने गृहमंत्री अनिल देशमुख यांच्या घरासमोर अंगावर रॉकेल घेऊन पेटवून घेत आत्महत्या करण्याचा प्रयत्न केला. मात्र, वेळीच पोलिस कर्मचाऱ्यांनी घटनास्थळावर धाव घेत रॉकेलची कॅन हिसकावून घेत ताब्यात घेतल्यामुळे युवकाचा प्राण वाचल्याने मोठा अनर्थ टळला. सीताबर्डी पोलिसांनी या प्रकरणी बारमालक मयूर सुरेंद्र जयस्वाल (जुनी वस्ती, खामला) याच्याविरूद्ध गुन्हा दाखल केला.

सितीबर्डी पोलिसांनी दिलेल्या माहितीनुसार, मयूर जयस्वाल याचा छोटा ताजबागमध्ये एम्पायर नावाने बार आहे. लॉकडाऊनपासून बार बंद आहे. त्यामुळे आर्थिक विवंचनेत सापडला. या दरम्यान त्याला पत्नी माहेरी राहायला गेली. तो गेल्या तीन महिन्‍यापासून खामल्यातील एका फ्लॅटमध्ये भाड्याने राहतो. भाड्यावरून घरमालकीनीशी त्याचा वाद झाला. ठरलेल्या भाड्यापेक्षा जास्त भाडे मागत असल्याचा आरोप मयूरने केला आहे. 

घरमालकीणीशी वाद झाल्याने दोघात कडाक्याचे भांडण झाले. वाद वाढल्याने दोघेही प्रतापनगर पोलिस ठाण्यात गेले. पोलिसांनी एकमेकांची तक्रार ऐकून घेतली आणि कारवाई केली. घरमालकीनने त्याच्या घराला स्वतःचे कुलूप लावले. तर मयूरने घरमालकीनवर घरातील लॅपटॉप, पासपोर्ट आणि महत्वाच्या वस्तू ताब्यात घेतल्याचा आरोप केला. 

या सर्व प्रकारातून मयूर नैराश्‍यात गेला. त्याने शनिवारी दुपारी दीड वाजताच्या सुमारास जीपीओ चौकातील गृहमंत्री अनिल देशमुख यांच्या घराच्या काही अंतरावर अंगावर रॉकेल घेतले. स्वतःला पेटवून घेत आत्महत्या करण्याच्या प्रयत्नात असतानाच पोलिस कर्मचाऱ्यांना दिसला. पोलिसांनी लगेच धाव घेत मयूरला ताब्यात घेत त्याचे प्राण वाचवले. या प्रकरणी सिताबर्डी पोलिसांनी मयूर जयस्वालवर आत्महत्या करण्याचा प्रयत्न केल्याप्रकरणी गुन्हा दाखल करून ताब्यात घेतले.

संपादन - अथर्व महांकाळ 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mohan Bhagwat: ७५ वर्षांसंबंधीचं 'ते' विधान भागवतांनी नेमकं का केलं? संघाकडून स्पष्टीकरण, विरोधकांचा मोदींवर रोख

Manchar News : काय सांगता! वृद्ध महिलेचे घरच गेले ‘चोरीला’; न्यायासाठी धावपळ सुरू

Latest Marathi News Updates : चौथ्या दिवशीही शक्तीपीठाची मोजणी शेतकऱ्यांनी रोखली, पोलिसांसोबत वाद

Palghar News: वसई-विरारमध्ये नालासोपाऱ्यात अमली पदार्थांचा पर्दाफाश, 12 आरोपी अटक

IND vs ENG 3rd Test: 'चेंडू'वरून रामायण! शुभमन गिलचं वाद घालणं चुकीचं नव्हतं; अम्पायरने काय केले, ते वाचाच...

SCROLL FOR NEXT