नागपूर : उठसूठ कारण नसताना वीज बिल माफीसाठी आंदोलन करणाऱ्या भाजपच्या नेत्यांनी सातत्याने वाढत असलेल्या पेट्रोल आणि डिझेलच्या किमती कमी कराव्या. याकरितासुद्धा एखादे आंदोलन करण्याची हिंमत दाखवावी, असा सणसणीत टोला राज्याचे ऊर्जामंत्री नितीन राऊत यांनी लगावला.
आंतरराष्ट्रीय बाजारपेठेत कच्च्या तेलाचे दर वाढले की अर्ध्यारात्री दरवाढ जाहीर केली जाते. इंधनाचे दर कमी करण्याची तत्परता केंद्र सरकार दाखवत नाही. उलट आणखी कराची आकारणी करून ते स्थिर केले जातात. जनतेला लाभ दिला जात नाही, असाही आरोप राऊत यांनी केला. नागपूरच्या संविधान चौकात डॉ. बाबासाहेब आंबेडकर यांना अभिवादन करण्यासाठी राऊत आले होते.
त्यांनी देशात दलितांवर अन्याय होत आहे. त्यांना दुय्यम स्थान दिले जात असून, दहावीनंतरची शिष्यवृत्ती दिली जात नसल्याचे सांगितले. वीजबिलात माफी देण्याची मागणी विरोधी पक्ष करीत आहे. मात्र, कोरोना काळात आम्ही लोकांना, शेतकऱ्यांना मोठी मदत केली आहे.
कोरोनाशी लढता लढता राज्याची तिजोरी रिकामी झाली. सर्व सोंग घेता येते मात्र पैशाचे घेता येत नाही. भाजप सरकारच्या काळात राज्याची तिजोरी रिकामी झाली आणि राज्य कर्जात बुडाले आहे. जेव्हा संधी मिळेल, तेव्हा आम्ही यातून मार्ग काढू, असेही राऊत म्हणाले.
केंद्र सरकार जीएसटीचा निधी देत नाही. दुष्काळग्रस्त भागात पथक पाठवत नाही. यावर विरोधी पक्ष बोलत नाही. सरकार पाडण्याची भाषा ते करतात. मात्र, त्यांचे आमदार दुसऱ्या पक्षात चालले असल्याने त्यांची चलबिचल होते आहे. आपले आमदार संभाळायची कुवत त्यांच्यात नाही, अशी टीका करीत भाजप विरोधी पक्ष म्हणून चांगली भूमिका बजावत आहे, असाही टोला राऊत यांनी हाणला.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.