नागपूर : राज्यात दोन दिवसांपूर्वी राज्य माध्यमिक व उच्च माध्यमिक शिक्षण मंडळाने इयत्ता दहावी व बारावीच्या लेखी परीक्षांचे संभाव्य वेळापत्रक जाहीर केले. मात्र, कोरोना रुग्णांच्या वाढत्या आकड्यांनी दहा महिन्यांच्या प्रतीक्षेनंतर सुरू झालेल्या शिक्षण क्षेत्रासमोर पुन्हा संकट उभे केले. यामुळे पुन्हा एकदा या परीक्षांवर कोरोनाचे विघ्न येण्याची शक्यता निर्माण झाली आहे. विशेष म्हणजे या विषयांवर आता अधिकाऱ्यांमध्ये चिंता व्यक्त करण्यात येत आहे.
हेही वाचा - दारू पिऊन आरामाच्या तयारीत असताना 'त्यानं' काढलं रात्रपाळीचं फर्मान अन् घडला मृत्यूचा...
कोरोनाच्या पार्श्र्वभूमीवर यंदा प्रथमच परीक्षा फेब्रुवारी-मार्चऐवजी एप्रिल-मे या कालावधीत होणार आहे. बारावीची लेखी परीक्षा २३ एप्रिल ते २१ मे २०२१ या कालावधीत, तर दहावीची लेखी परीक्षा २९ एप्रिल ते २० मे या कालावधीत होणार आहे. मात्र, मागील आठ दिवसांपासून राज्यात कोरोना रुग्णांच्या संख्येत सतत वाढ होत आहे.
शिक्षण मंडळाच्या परीक्षांना अजून दोन महिन्यांचा कालावधी असला तरी कोरोना रुग्णांच्या संख्येत अशी वाढ असल्यास लेखी परीक्षा घेणे कठीण होणार आहे. मागील वर्षी कोरोना व टाळेबंदीमुळे बारावी व दहावी परीक्षांच्या निकालाला बराच उशीर झाला. टाळेबंदीमुळे १० महिन्यांपेक्षा अधिक काळ शाळा व महाविद्यालये बंद ठेवण्यात आली.
नक्की वाचा - मोठी अपडेट: अमरावतीत कोरोनाचा परदेशी स्ट्रेन नाही; नागरिकांना दिलासा; काळजी घेण्याचं आवाहन
परिणामी २०२१ मधील परीक्षा एप्रिल-मे या कालावधीत घेण्याचा निर्णय राज्य सरकारने घेतला. आता पुन्हा एकदा चिंता निर्माण झाल्याचे दिसून येते. त्याबाबत शिक्षण मंडळातील एका बड्या अधिकाऱ्यांनी चिंता व्यक्त केली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.