नागपूर : पोलिसांनी वाहनचोरीचा पर्दाफाश करीत गुन्हेगाराची पत्नी व तिच्या साथीदाराला अटक केली आहे. वृषभ ऊर्फ लालू श्यामसुंदर अशोपा (वय 25,रा. जलारामनगर) व सुखमनी ऊर्फ टिना परसजित सौंद ऊर्फ सौन, अशी अटकेतील चोरट्यांची नावे आहेत.
रामदासपेठेतून सिद्धांत प्रकाश चांडक (वय 27 ) याची दुचाकी चोरी गेली. या प्रकरणी सीताबर्डी पोलिसांनी चोरीचा गुन्हा दाखल केला. सीताबर्डीचे हवालदार जयपाल राठोड, चंद्रशेखर भोयर, अरुण लक्षणे, चंद्रशेखर गौतम, बुलवंत व कल्याणी यांनी चोरट्याचा शोध सुरू केला.
वाचा- नागपूर ब्रेकिंग : उपराजधानीत कोरोनास्फोट, एकाच दिवशी आढळले 85 बाधित
एवढया मोठया शहरात गुन्हेगारांचा छडा लावणे म्हणजे अत्यंत जिकरीचे काम होते. परंतु, पोलिसांनी प्रयत्न सोडले नाहीत. तंत्रज्ञान मदतीला आले. ज्या भागातून दुचाकी चोरीला गेली तेथील सीटीव्ही फुटेजची पाहणी केली.
तरुण व तरुणी मोटारसायकल चोरी करीत असल्याचे पोलिसांना दिसले. याआधारे शोध घेऊन पोलिसांनी टीना आणि वृषभ याला अटक केली. वृषभ हा स्पेअरपार्टचे काम करतो, तर टीना ही गिट्टीखदानमधील एका हत्याकांडात शिक्षा झालेल्या आरोपीची पत्नी आहे, अशी माहिती सीताबर्डी पोलिसांनी दिली. दोघांची एक दिवस पोलिस कोठडी घेण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.