नागपूर - राज्याच्या राजकीय घडामोडींनंतर आता एक वेगळी बातमी समोर येत आहे. सीबीआय आणि कर्मचारी भविष्य निर्वाह निधी संघटनेच्या (ईपीएफओ) दक्षता कक्षाच्या संयुक्त पथकाने नागपूर शहरातील ईपीएफओच्या दोन कार्यालयांची झडती घेतली आहे. काही कर्मचाऱ्यांची कामात अनियमितता असल्याच्या तक्रारी आल्या होत्या. त्यानंतर तात्काळ ही कारवाई करण्यात आली आहे, संबंधित एका अधिकाऱ्याने ही माहिती दिली.

यासंदर्भात अधिकची माहिती अशी, नागपुरात केंद्रीय अन्वेषण विभागाने (CBI) भ्रष्टाचारविरोधी शाखा आणि मुंबईतील EPFO ​​च्या दक्षता पथकाकडून मंगळवारी सकाळी तुकडोजी चौक आणि उमरेड रोड येथील ईपीएफओ कार्यालयात रात्री उशिरापर्यंत शोध सुरू होता. यावेळी झडतीदरम्यान गुन्ह्याची माहिती देणारी अनेक कागदपत्रे जप्त करण्यात आली. याप्रकरणी मोठ्या प्रमाणात दस्तऐवज आणि भविष्य निर्वाह निधी (पीएफ) नोंदींची छाननी करण्यात आली. कर्मचारी भविष्य निर्वाह निधी आणि विविध तरतुदी कायद्यांतर्गत वीस किंवा त्याहून अधिक कर्मचारी असलेल्या कंपन्यांना EPFO ​​द्वारे चालवल्या जाणाऱ्या सामाजिक सुरक्षा योजनांमध्ये सहभागी करुन घेणे अनिवार्य असल्याचे त्यांनी सांगितले.

दरम्यान, काही EPFO ​​अधिकाऱ्यांनी 40 ते 50 कर्मचारी असलेल्या शाळा आणि खाजगी कंपन्यांना पीएफ फाइल्ससाठी नोटिस बजावल्या होत्या. परंतु या प्रकरणात पुढील कारवाई करण्यात आली नसल्याची माहिती या शोध पथकाला मिळाली. त्यानंतर या कंपन्यांच्या मालकांनी EPFO ​​अधिकाऱ्यांना पटवून देण्यासाठी संशय व्यक्त केला. कंपनी केवळ 18 कर्मचार्‍यांसह चालवली जात असुन आधारावर संबंधित काही प्रकरणे निकाली काढण्यात आली.

सीबीआय आणि ईपीएफओचा दक्षता कक्ष ईपीएफओ कर्मचाऱ्यांकडून योग्य तपास न करता अशा फाइल्स बंद करण्यामागील कारणांचा तपास सुरु असल्याची माहिती या अधिकाऱ्यांनी दिली आहे. तसेच ईपीएफओ कर्मचाऱ्यांची विविध फाईल्स बंद होण्याच्या कारणाबाबतही विचारपूस केली. ईपीएफओच्या काही अधिकाऱ्यांनाही पुढील चौकशीसाठी बोलावले जाण्याची शक्यता असल्याचेही या अधिकाऱ्याने सांगितले आहे.