नागपूर ः राष्ट्रसंत तुकडोजी महाराज नागपूर विद्यापीठाने घेतलेल्या ऑनलाईन परीक्षांचे निकाल जाहीर होत आहेत. मात्र, निकाल लागल्यावर गुणपत्रिकांमध्ये काही प्रमाणात चुका असल्याचे दिसून आले. त्याबाबत येत असलेल्या तक्रारीचे संपूर्ण खापर विद्यापीठावर फोडण्यात येत आहे. मात्र, प्रत्यक्षात महाविद्यालयांच्या चुकांमुळेच या चुका झाल्या असल्याचे अधिकाऱ्यांकडून सांगण्यात येत आहे.

नागपूर विद्यापीठाच्या वतीने ऑक्टोबरमध्ये अंतिम वर्षाची ऑनलाईन परीक्षा घेण्यात आली. यातील बहूतांश परीक्षांचा निकाला जाहीर झाला आहे. मात्र, अनेक विद्याथ्र्यांचे निकालामध्ये चुका असल्याचा प्रकार समोर आला आहे. काहींचे निकाल हे राखीव ठेवण्यात आले आहेत. तर काहींना अनुत्तीर्ण दाखवण्यात आले आहे. मात्र, विद्यार्थ्यांच्या तक्रारीनंतर समस्येच्या मुळाशी जाऊन शोध घेतल्यास यामध्ये महाविद्यालयाकडून झालेल्या चुकांमुळे विद्यार्थी विद्यापीठाला दोष देत असल्याचे निदर्शनास आले.

क्लिक करा - बापरे!; पहाटे साडेपाच वाजता शासकीय बालसुधारगृहात दोन अल्पवयीन मुलांनी केली आत्महत्या

नुकतेच बी.एस्सी. अंतिम वर्षाच्या एका विद्याथ्र्याचे दोन विषयाचे पेपर होते. विद्याथ्र्याच्या सांगण्यानुसार, त्याने दोन्ही विषयाची परीक्षा दिली असून पेपर जमा झाल्याचा अंतिम संदेशही आला. त्याचे स्क्रीन शॉटही विद्यार्थ्यांकडे आहेत. याशिवाय विद्यापीठाने परीक्षेत अनुपस्थित असणाऱ्या विद्यार्थ्यांची यादी प्रसिद्ध केली असता त्यात विद्यार्थ्यांचे नाव नव्हते.  

नुकत्याच जाहीर झालेल्या बी.एस्सी.च्या निकालात शुभमला दोन्ही विषयात अनुपस्थित दाखवण्यात आले. त्यामुळे परीक्षा देऊनही विद्यार्थ्यांला अनुपस्थित दाखवल्याने विद्यापीठावर टीकेची झोड उडत होती. मात्र, हा विद्यार्थी २०१७ पासून परीक्षा देत असून त्याच्य अनुत्तीर्ण विषयाचे गुण महाविद्यालयाने तीन वर्षांपासून विद्यापीठाला पाठवलेच नाही.

अधिक माहितीसाठी - तुझ्याशी लग्न करायचे आहे, असे बोलून अधिकारी युवतीचा त्याने केला पाठलाग, युवकाविरुद्ध गुन्हा दाखल

विद्यार्थ्यांच्या अंतर्गत परीक्षेचे गुण विद्यापीठाला न मिळाल्याने त्याचा निकाल जाहीर करणे अशक्य असल्याचे समोर आले. विद्यार्थ्यांच्या अशा विविध तक्रारींचा निवाडा लावताना अनेकदा महाविद्यालयांकडून होणाऱ्या चुकांचे खापर विद्यापीठावर फोडले जात असल्याचा आरोप विद्यापीठातील अधिकाऱ्यांनी केला आहे.

संपादन - अथर्व महांकाळ