नागपूर ः ‘मला कोरोना झाला. त्यामुळे माझे जिवंत राहणे कठीण आहे. . यात कुणालाही दोषी धरू नये’ अशी चिठ्ठी लिहीत एका व्यक्तीने धावत्या रेल्वेखाली उडी घेऊन आत्महत्या केली. ही घटना आज पंचशीलनगरमधील मेहरे कॉलनीत उघडकीस आली. सुरेश महादेव नखाते (वय ५० रा. प्लॉट क्रमांक १४८, सुयोगनगर) असे मृताचे नाव आहे.
पोलिसांच्या माहितीनुसार, सुरेश नखाते हे बागकाम करायचे. १० एप्रिलला त्यांना सर्दी व खोकला झाला. त्यांच्या पत्नी वर्षा यांनी त्यांना कोरोना चाचणी करण्यास सांगितले. त्यासाठी ते घरून निघाले. रात्र झाली तरी ते घरी परतले नाही. वर्षा यांनी अजनी पोलिसांत बेपत्ता झाल्याची तक्रार दिली.
सोमवारी सकाळी १० वाजताच्या सुमारास मेहरे कॉलनीतील रेल्वेरुळाजवळ एका व्यक्तीचा मृतदेह असल्याची माहिती सोनेगाव पोलिसांना मिळाली. त्यानुसार सोनेगाव पोलिसांचा ताफा तेथे पोहोचला. मृतकाच्या खिशात पोलिसांना चिठ्ठी आढळली. ‘आजारपणाला कंटाळून आत्महत्या करीत असून आत्महत्येसाठी कोणीही जबाबदार नाही, असा मजकूर त्यात होता.
पोलिसांनी वर्षां यांना माहिती दिली. वर्षा तेथे पोहोचल्या. त्यांनी मृतदेह सुरेश यांचा असल्याचे पोलिसांना सांगितले. पोलिसांनी मृतदेह मेडिकल हॉस्पिटलकडे रवाना केला. तपासणी केली असता सुरेश हे कोरोनाबाधित असल्याचे आढळून आले. सुरेश यांनी विष घेतल्यानंतर रेल्वे ट्रॅकवर पोहचल्याची शक्यता आहे. याप्रकरणी सोनेगाव पोलिसांनी आकस्मिक मृत्यूची नोंद करून तपास सुरू केला आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.