नागपूर : वेळ दुपारची. शहरामध्ये शांतता. परंतु, सिव्हिल लाईनमध्ये मात्र कोणी सुटा-बुटामध्ये, कोणी शेरवानीमध्ये, तर कोणी भरजरी साडी परिधान करीत नट्टा-पट्टा करून मिरवताना पाहायला मिळत होते. होय, ही विवाह इच्छुक जोडपीच. हे चित्र एखाद्या मंगल कार्यालयातील किंवा लॉनमधील नसून चक्क विवाह नोंदणी कार्यालयातील आहे. कोविडच्या नियमांकडे नोंदणी कार्यालयातील गर्दी भर लॉकडाऊनमध्ये वाढलेली पाहायला मिळत आहे. 

हेही वाचा - क्या बात है! अधिकारी आणि बाबू आता दिसणार आणखी ‘स्मार्ट...

ऐरवी मंगल कार्यालयांच्या तारखा मिळविण्यासाठी अडचणी निर्माण होतात. मात्र, प्रशासनाने कोरोना काळामध्ये लागू केलेल्या नियमानंतर मंगल कार्यालयांसह लॉनला उतरती कळा आली. अनेकांनी सुरुवातीला लग्न सोहळा पुढे ढकलत लग्न सोहळ्यातील पाहुण्याची संख्या वाढेल, याची अपेक्षा ठेवली. परंतु, कोरोनाचे बदलते चित्र बघता नोंदणी पद्धतीने लग्न करण्याचा निर्णय वधु-वर पक्षाकडील मंडळी घेताना दिसत आहेत. यावर्षी, अवघ्या अडीच वर्षांमध्ये सुमारे ९७२ लग्न सोहळे नोंदणी पद्धतीने पार पडले आहेत. 

हेही वाचा - मोठी ब्रेकिंग! अमरावतीच्या तिवस्यात सापडला स्फोटकांचा मोठा साठा; तब्बल 200...

पैशांच्या बचतीतून गुंतवणूक - 
फेब्रुवारी महिन्यात ४८२ जोडपी विवाह बंधनामध्ये अडकले. त्यामुळे, विवाह नोंदणी कार्यालयामध्ये नोंदणीसाठी गर्दी वाढलेली पाहायला मिळत आहे. नवरा-नवरी, प्रक्रिया पूर्ण करून देणारा वकील, दोन चार घरच्या मंडळींसह लग्न उरकल्या जात आहे. एकीकडे विवाह सोहळ्यांवर अवलंबून असलेल्यांचा व्यवसाय धोक्यात आलेला असताना विवाह नोंदणी कार्यालयाच्या भरवशावर उदरनिर्वाह करणाऱ्यांची चांदी होते आहे. तसेच, पैशाच्या होणाऱ्या बचतीतून गुंतवणुकीकडे जोडपी वळत आहेत. 

भारतीय विवाह पद्धतीनुसार लग्न सोहळे मोठ्या थाटामाटात पार पडतात. त्यासाठी लाखो रुपये खर्च केले जातात. यामुळे पैसा खेळता राहतो. मात्र, नोंदणी पद्धतीने विवाह करणाऱ्यांची संख्या वाढल्याने फोटोग्राफर्ससह कॅटरर्स, सजावट, बिछायत, खाद्य व्यवसायाशी निगडित अनेकांचा रोजगार हिरावल्या गेला आहे. प्रत्येक व्यवसाय आज ५० टक्क्यांच्या मर्यादेत आला आहे. 
-चेतन जोशी, माजी अध्यक्ष, ऑरेंज सिटी फोटोग्राफर क्लब. 

संपादन - भाग्यश्री राऊत