नागपूर : धंतोली परिसराताल एका हॉस्पिटलमध्ये उपचार घेणाऱ्या लकव्याने ग्रस्त असलेल्या ७७ वर्षाच्या वृद्ध महिलेवर एका युवकाने अत्याचार केल्याची धक्कादायक माहिती समोर आली आहे. याप्रकाराने एकच खळबळ उडाली असून युवकाला धंतोली पोलिसांनी अटक केली आहे.

दीपक विजय ठाकरे (वय ३९,रा. माटे चौक, गोपालनगर) असे अटक करण्यात आलेल्या युवकाचे नाव आहे. दीपक हा वृद्धेच्या मुलाचा मित्र आहे. पोलिसांनी दिलेल्या माहितीनुसार, तीन दिवसांपूर्वी महिलेला लकवा मारल्याने त्यांना धंतोलीतील

लकव्याचे उपचार घेणाऱ्या वृद्धेवर अत्याचार

एका हॉस्पिटलमध्ये उपचारासाठी दाखल करण्यात आले होते. दरम्यान तिचा मुलगा तिची काळजी घेत होता. दरम्यान दीपक त्यांच्याकडे आठ ते नऊ वर्षांपासून काम करीत असल्याने त्यांच्या मुलाशी त्याची मैत्री होती. त्यातून तोही रुग्णालयात त्याच्यासोबत होता. यावेळी दीपक बुधवारी (ता.१९) मित्राच्या आईला रुग्णालयात भेटायला गेला होता.

तो येताच औषधी आणण्यासाठी आणि काही कामे आटोपून येतपर्यंत आईची काळजी घेण्यास दीपकला सांगितले. त्यामुळे दीपकने दार लावून घेतले. दरम्यान त्याची आई बेशुद्ध अवस्थेत असताना दीपकने तिच्यावर अत्याचार करण्यास सुरुवात केली. याचदरम्यान हॉस्पिटलमधील परिचारिका वृद्धेला औषध देण्यासाठी आली असता तिला हा प्रकार दिसून आला. त्यांनी आरडा-ओरड केली. अन्य कर्मचारी खोलीत आले. त्यांनी दीपकला पकडून चोप दिला. दरम्यान हॉस्पिटलच्या व्यवस्थापनाने याबाबत दिलेल्या तक्रारीवरुन धंतोली पोलिसांनी दीपकला अटक केली.