नागपूर : हवामान खात्याने व्यक्त केलेल्या अंदाजानुसार आज दुपारनंतर अमरावती आणि चंद्रपूर जिल्ह्यात(chandrpur districts) गारपीट झाल्याने रब्बी पिकांचे नुकसान(rabbi crops) झाले आहे. अमरावती जिल्ह्यात टाकरखेडा संभू परिसरातील साऊर, कळमगव्हाणा, लसणापूर, रामा, पुसदा, शिराळ्यात गारांसह पाऊस झाला. याचा तूर आणि हरभऱ्याला मोठा फटका बसला आहे.या भागात अर्धा ते पाऊण तास गारांसह पाऊस झाला. नेरपिंगळाई येथे झालेल्या गारपिटीत कांदा, गहू, संत्रा, कापूस या पिकांचे नुकसान झाले. मृगाचा संत्रा गळून पडला.

वर्धा जिल्ह्यात आष्टी आणि कारंजा तालुक्यात वादळी पावसात बोराएवढ्या गारा पडल्या. आष्टी तालुक्यातील खडकी, टोकोडा, भारसवाडा, परसोडा, वाघोली, शिरसोळी, नरसापूर, किन्हाळा आदी भागात जोरदार पाऊस झाला. कारंजा तालुक्यातील पारडी, एकांबा, बोटोणा, सारवाडी, पालोरा, राजणी, बोंदरठाणा या गावात पावसासह गारा पडल्याने नुकसान झाले. पान २ वर पावसासह सोसोट्याचा वारा आल्याने भारसवाडा मागार्वर वृक्ष उन्मळून पडले. पाऊस आण गारपिटीत कापूस भिजला असून संत्रा, गहू, तूर आणि अन्य पिकांचे नुकसान झाले.नागपुरातील गोधनी, झिंगाबाई टाकळी व मानकापूरसह आजूबाजूच्या परिसरात तुफान पाऊस बरसला. ''वेस्टर्न डिस्टर्बन्स''मुळे सध्या विदर्भात कमी दाबाचा पट्टा निर्माण झाला आहे. पुढील दोन-तीन दिवस हवामान विभागाने वादळी पावसाचा इशारा दिला आहे.