नागपूर : वस्तीत राहणाऱ्या मित्राने अकरावीच्या विद्यार्थिनीचे ट्युशन क्लासमोरून अपहरण करून मित्राच्या रूमवर नेले. तेथे दोघांनी तिच्यावर आळीपाळीने बलात्कार केला. तर बलात्कार करतेवेळी त्यांच्या मैत्रिणीने मोबाईलने व्हिडिओ आणि फोटो काढले. ते फोटो सोशल मीडियावर व्हायरल करण्याची धमकी दिली. याप्रकरणी विद्यार्थिनीच्या तक्रारीवरून तिघांविरुद्ध एमआयडीसी पोलिसांनी गुन्हा दाखल केला आहे.
पोलिसांनी दिलेल्या माहितीनुसार, सतरा वर्षीय मुलगी खुशबू (बदललेले नाव) ही धरमपेठमधील एका नामांकित कॉलेजमध्ये अकरावीची विद्यार्थिनी आहे. वस्तीत राहणारा रंजन याच्याशी तिची ओळख झाली. दोघेही फेसबुकवरून संपर्कात होते. दरम्यान, मोबाईल क्रमांक घेतल्यानंतर मैत्री वाढली. दोघांच्या भेटीगाठी झाल्या. यादरम्यान दोघांमध्ये प्रेमसंबंध प्रस्थापित झाले. दोघांनी शारीरिक संबंध प्रस्थापित केले. मात्र, त्यावेळी रंजनने मोबाईलने शारीरिक संबंधाचे मोबाईलने व्हिडिओ आणि फोटो काढले होते.
नऊ मार्च 2020 मध्ये खुशबू ही ट्युशनला गेली होती. ती दुपारी सीआरपीएफ गेटजवळील पेट्रोलपंपजवळ बसमधून उतरली. त्यावेळी रंजन तेथे पोहोचला. त्याने खुशबूला थांबवले. तिला बाईकवर बसण्यास सांगितले. मात्र, तिने सोबत येण्यास नकार दिला. त्यावेळी रंजनने तिला मोबाईलमध्ये काढलेल्या तिच्या ब्ल्यू फिल्म्स आणि फोटो दाखवले आणि सोशल मीडियावर व्हायरल करण्याची धमकी दिली. त्यामुळे नाईलाजाने खुशबू रंजनच्या बाईकवर बसली.
रंजनने तिला रोहित उर्फ समीर बालेश्वर याच्या राजगृहनगरातील घरी नेले. तेथे रोहित आणि जान्हवी हे दोघे बसलेले होते. रंजनने खुशबूशी अश्लील चाळे करीत तिचे कपडे फाडले. आरोपी रोहितने तिला शारीरिक संबंधाची मागणी केली. तिने नकार देताच तिचे व्हिडिओ व्हायरल करण्याची धमकी दिली. त्यानंतर रोहितनेही तिच्यावर बलात्कार केला. रंजन आणि जान्हवी या दोघांनी खुशबूचे अश्लील व्हिडिओ आणि फोटो काढले. तिला या प्रकाराबाबत कुणालाही सांगितल्यास अश्लील व्हिडिओ व्हायरल करण्याची धमकी दिली. रंजनने तिला बाईकवर बसवून घरी सोडले.
अश्लील व्हिडिओ आणि फोटो सोशल मीडियावर व्हायरल करण्याची धमकी देऊन रंजन आणि रोहित खुशबूला वारंवार शारीरिक संबंधाची मागणी करायला लागले. त्यामुळे खुशबूही त्यांच्या त्रासाला कंटाळली होती. तिने हा प्रकार आजीला सांगितला. आजीने तिला घेऊन एमआयडीसी पोलिस स्टेशन गाठले आणि तक्रार दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.