नागपूर : सुपर स्पेशालिटी हॉस्पिटलमध्ये कर्मचारी शरद साबळे हा सकाळी आईला उपचारासाठी घेऊन आला. यानंतर मेडिकलचे प्रशिक्षणार्थी डॉक्‍टर कार्ड काढण्यासाठी सुपर स्पेशालिटीत आले. "मी डॉक्‍टर आहे मला लवकर कार्ड घा' असे डॉक्‍टरने म्हटले. यावर शरद साबळेने लाईमध्ये लागायला सांगितले. यावर चिडलेल्या प्रशिक्षणार्थी डॉक्‍टरने अन्य चार ते पाच जणांसोबत येत शरद साबळेला खिडकीतून ओढून मारहाण केली. ही घटना मंगळवारी घडली. 

सुपर स्पेशालिटीचा कर्मचारी मंगळवारी सकाळी आईला उपचारासाठी घेऊन आला. यानंतर तो आपल्या कामाला लागला. काही वेळांनी मेडिकलमधील प्रशिक्षणार्थी डॉक्‍टर कार्ड काढण्यासाठी सुपर स्पेशालिटीत आला. "मी डॉक्‍टर आहे मला लवकर कार्ड घा, काम आहे' असे तो बोलू लागला. यावर शरदने प्रशिक्षणार्थी डॉक्‍टरला लाईमध्ये येण्यास सांगितले. मात्र, त्याने शरदशी वाद घातला. 

जाणून घ्या - बारावीचा जीवशास्त्र विषयाचा पेपर संपायला अर्धा तास शिल्लक असताना मिळाली धमकी

यानंतर प्रशिक्षणार्थी डॉक्‍टर निधून गेला. काही वेळानी तो परत चार ते पाच जनांसह सुपर स्पेशालिटी हॉस्पिटलमध्ये आला. वादावरून शरद साबळेला सर्वांनी मारहाण केली. "तू चतूर्थ कर्मचारी आहे. माझ्याशी असा कसा बोलला' असे म्हणत मारहाण केली. शरदला मारहाण होत असल्याचे पाहून अन्य कर्मचारी धाऊन आले. त्यांनी प्रशिक्षणार्थी डॉक्‍टरांच्या तावडीतून शरदची सुटका केली. 

कर्मचाऱ्यांचे कामबंद आंदोलन

आपल्या कर्मचाऱ्याला मारहाण झाल्यामुळे संतप्त झालेल्या कर्मचाऱ्यांनी रोष व्यक्‍त केला. संतप्त कर्मचाऱ्यांनी अधिष्ठाता सजल मित्रा यांच्या कक्षासमोर घेराव घातला. तसेच कामबंद आंदोलन पुकारले. कर्मचाऱ्यांनी तक्रार दाखल करण्यासाठी पोलिस ठाणे गाठले. कामबंद आंदोलन पुकारल्यामुळे रुग्णसेवेवर परिणाम झाला.