Congressmen on Ashok Chavhan BJP Joining: अशोक चव्हाण यांना काँग्रेसने मुख्यमंत्रीपदापासून सर्वच पदे दिली. त्यामुळे अडचणीच्या काळात पक्षाबरोबर राहणे त्यांचे कर्तव्य होते. ते गेले हे अनाकलनीय आहे. काँग्रेसने अनेक धक्के पचवले असल्याने कोणाच्या जाण्याने पक्षाला फरक पडत नसल्याची प्रतिक्रिया माजी केंद्रीयमंत्री विलास मुत्तेमवार व्यक्त केली.

देशात ज्या प्रकारचे राजकारण सुरू आहे त्याचा हा परिणाम आहे. आता विचारधारेची लढाई राहिली नाही. नैतिकतासुद्धा राहिलेली नाही. भाजप इतरांपेक्षा वेगळा पक्ष कसे हे दिसत आहे. रेडिमेड सरकार ते आपल्या पक्षात घेत आहे.

लोकसभेत ४०० चा आकडा कसा पार करायचा यासाठी खटपट सुरू आहे. हे सर्व ठावूक असताना चव्हाण यांनी अडचणीच्या वेळी पक्षात राहून काम करायला हवे होते. पण त्यांनी वडील शंकरराव चव्हाण यांचीच पुनरावृत्ती केली. ते सुद्धा काँग्रेसला अडचणीच्या काळात सोडून गेले होते. काँग्रेस काही छोटा पक्ष नाही. त्यामुळे चव्हाण गेल्याने काँग्रेसला काहीही फरक पडणार नसल्याचे मुत्तेमवार यांनी सांगितले. (Latest marathi News)