नागपूर : शांतीनगरातील कुख्यात अशोक यादव ऊर्फ बावाजीच्या जुगार अड्ड्‌यावर शांतीनगर पोलिसांनी छापा घातला. या अड्ड्यावरून नऊ जुगाऱ्यांना पोलिसांनी अटक केली. अशोक बावाजी मात्र पोलिसांच्या हाती लागला नाही. दानी पन्नालाल यादव (वय 47 रा. लालगंज), रामू रतनचंद सेठिया (वय 55,रा. रनाळा), प्रसन्न रामकुमार जैन (वय 50 रा. सतरंजीपरा), आनंद भगवानदास श्रीवास्तव (वय 45 रा.लालगंज), आशिष चंद्रभान ठाकूर (वय 37, रा. शहीद चौक, इतवारी,) राजू चरणदास खुराना (वय 50, रा. पारडी), चरण कल्लू गौर ( वय 54, रा.भानखेडा), शाग साहेबलाल पोरवाल (59 रा.बडकस चौक) व विशाल अंबादास मेश्राम ( वय 45, रा.गोधनी),अशी अटकेतील जुगाऱ्यांची नावे आहेत.     

सविस्तर वाचा -  चिमुकल्याच्या कडक सँल्यूटने जिंकले मन                                                                                       

दोन लाखांचे साहित्य जप्त

बावाजी याने जुगार अड्डा सुरू केला होता. याची माहिती पोलिसांना मिळाली. पोलिसांनी बावाजीच्या इतवारी रेल्वेस्थानकाजवळील अड्ड्‌यावर छापा टाकला. पोलिसांनी नऊ जुगाऱ्यांना अटक केली. त्यांच्याकडून 17 हजार 300 रुपयांची रोख, 12 मोबाइल, चार मोटरसायकली आदींसह सुमारे दोन लाखांचे साहित्य जप्त केले. ही कारवाई पोलिस निरीक्षक के.बी. उईके, एपीआय बनसोडे, मुलानी, रघूनाथ यांनी केली.