नागपूर : कोरोनामुळे शाळांऐवजी ऑनलाईन शिक्षणावर भर देण्यात येत आहे. महापालिकेच्या शाळेतील विद्यार्थी खाजगी शाळेतील विद्यार्थ्यांच्या तुलनेत कुठेही कमी राहू नये, यासाठी महापालिकेनेही ऑनलाईन शिक्षण सुरू केले. आता पालिकेने दहावी व बारावीच्या विद्यार्थ्यांना मोफत शिक्षणासाठी मोफत टॅब उपलब्ध करून देण्याचा प्रस्ताव तयार केला असल्याचे आयुक्त तुकाराम मुंढे यांनी सांगितले.
सभागृहात हा प्रस्ताव मंजूर झाल्यानंतर महापालिका शाळांत शिक्षणारा गरीब विद्यार्थीही बोर्डाच्या परिक्षेत चांगले गुण घेत भविष्याचा पाया मजबूत करण्यास सक्षम होणार आहे.
कोरोनामुळे शाळा बंद आहेत. त्यामुळे सर्वच शिक्षण संस्थांनी ऑनलाईन वर्ग सुरू केले. महापालिकेनेही ऑनलाईन शाळा सुरू केली. महापालिकेने खाजगी शाळांच्या एक पाऊल पुढे जात दहावी व बारावीतील एकूण १९०० विद्यार्थ्यांना टॅब देण्यासाठी पुढाकार घेतला आहे.
टॅब देऊन इंटरनेट नसेल तर ते काहीच कामाचे नसेल, हा विचार करीत महापालिकेने विद्यार्थ्यांना इंटरनेटही उपलब्ध करून देण्याचा निर्णय घेतला. विशेष म्हणजे प्रत्येक अभ्यासक्रमाचे एक सॉफ्टवेअर तयार करण्यात येणार असल्याचे मनपाच्या शिक्षणाधिकारी प्रीती मिश्रीकोटकर यांनी सांगितले. यावर दोन कोटी खर्च होणार आहे.
याबाबतच प्रस्ताव शिक्षण विभागाने तयार केला असून तो सभागृहाकडे पाठविण्यात येणार आहे. नुकताच लागलेल्या मनपा शाळांतील दहावीच्या विद्यार्थ्यांनी भरघोस यश मिळविले. ही यशाची परंपरा पुढे कायम ठेवण्यासाठी मुंढे यांनी पाऊल उचलले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.