नागपूर : शासकीय वैद्यकीय महाविद्यालय व रुग्णालयात (मेडिकल) गैर कोरोना रुग्णांवर योग्यरित्या उपचार होत नसल्यामुळे त्यांचा जीव टांगणीला आला आहे. मागील तीन दिवसांपासून कॅज्युल्टीत महिला आहे. परंतु, तिला वॉर्डात हलवले नाही. केवळ ऑक्सिजन मास्क लावून तिला कोपऱ्यात ठेवले आहे.
गीताबाई पवनकर असे या महिलेचे नाव आहे. मेडिकलमध्ये ८ एप्रिलरोजी कॅज्युल्टीत आणले. तेव्हापासून तर आजपर्यंत कॅज्युल्टीतच तिला ठेवण्यात आले आहे. केवळ ऑक्सिजन माक्स लावून तिला तेथेच ठेवण्यात आले. मात्र, या महिलेला होणाऱ्या आजाराचे निदानही करण्यात आले नाही. कोणत्या चाचण्या करावयाच्या यासंदर्भात कोणतीही भूमिका डॉक्टरांनी घेतली नाही. यामुळे कोरोनाबाधित रुग्णांच्या गर्दीत इतर आजाराच्या रुग्णांनी उपचारांशिवाय मरायचे का? असा सवाल नातेवाईक विचारत आहेत.
अत्यवस्थ रुग्णांवरच उपचार करण्यात येतील असे सांगण्यात येत असताना, मागील तीन दिवसांपासून कॅज्युल्टीत असलेल्या महिलेवर कोणतेही उपचार करण्यात आले नाही. यामुळे एकप्रकारे नॉन कोविड रुग्णसेवा थांबवण्यात येत असल्याचे चित्र दिसत आहे. यासंदर्भात मानवाधिकार आयोगाकडे तक्रार करण्यात येणार आहे.-अनिकेत कुत्तरमारे, संयोजक, दक्षिण नागपूर विकास आघाडी, नागपूर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.