नागपूर : बार्टी, सारथीच्या धर्तीवर महाज्योती संस्था स्थापन करण्यात आली. या संस्थेला पूर्ण वेळ अधिकारी नसून तीन कर्मचारी कार्यरत आहे. कर्मचाऱ्यांअभावी काम रेंगाळल्याचे चित्र आहे. कर्मचाऱ्यांच्या नियुक्तीपूर्वीच अशासकीय सदस्यांची नियुक्ती करण्यात आली हे विशेष.
बार्टी, सारथीच्या धर्तीवर महात्मा ज्योतिबा फुले संशोधन व प्रशिक्षण संस्था (महाज्योती) स्थापन करण्यात दीड वर्षापूर्वी आली. ज्योतीदूत, जलदूत, व सावित्रीदूत असे तीन महत्त्वाचे पथदर्शी कार्यक्रम राबविण्यात येणार आहेत. इतर मागासवर्ग, विमुक्त जाती व भटक्या जमाती या प्रवर्गाच्या सामाजिक, शैक्षणिक व आर्थिक विकासासाठी याची स्थापना करण्यात आली.
अद्याप कोणत्याही प्रकारचे कार्य प्रत्यक्षात सुरू झाले नसल्याचे दिसते. याचे मुख्यालय नागपूर येथे स्थापित करण्यात आले. या संस्थेला पूर्णवेळ अधिकारी नाही. प्रदीप डांगे यांना यांच्याकडे व्यवस्थापक पदाची धुरा देण्यात आली होती. आता त्यांना पदोन्नती मिळाली असून गोंदिया जिल्हा परिषदेचे सीईओ आहेत. त्यांच्याकडेच व्यवस्थापक पदाचा अतिरिक्त प्रभार देण्यात आला आहे.
मिळालेल्या माहितीनुसार त्यांच्याकडे कामाचा व्याप जास्त आहे. त्यामुळे शनिवार, रविवारला ते कार्यालयात येतात. सुटीच्या दिवशीही काम करावे लागत आहे. सुटीच्या दिवशी येत असल्याने सामान्य नागरिकांशी भेट होत नाही. इतर दिवशी ते नसल्याने लोकांना आल्या पावली परत जावे लागते. त्यामुळे योजनांचा लाभ लाभार्थ्यांना मिळणार कसा, असा प्रश्न उपस्थित करण्यात येत असून नावापुरती संस्था निर्माण केल्याची टीका होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.