नागपूर : महाराष्ट्र राज्य शिक्षक परिषदेने शिक्षकेत्तर कर्मचारी भरती संपविण्याच्या आदेशाची उपसंचालक कार्यालयासमोर होळी करून आपला रोष व्यक्त केला. यावेळी शिपायांची पदे भरणार नसतील तर शिक्षकांनी शाळेतील घंटा वाजवायची आणि स्वच्छता करायची काय? असा सवाल उपस्थित करण्यात आला. 

हेही वाचा - अरेरे काम संपताच कोव्हिड योद्ध्यांची गच्छंती, ७५...

उपरोक्त निर्णय रद्द करण्यासाठी मागणी करीत शिक्षण उपसंचालक कार्यालयात सहसंचालक सतीश मेंढे यांच्याद्वारे शिक्षण मंत्री वर्षा गायकवाड यांना निवेदन देण्यात आले. हा आदेश शिक्षण व्यवस्थेला उध्वस्त करणार आहे. अनुदानित शिक्षण व्यवस्थेला बंद करण्याचा कपटी व कुटिल डाव शासनाने आखलेला आहे. यामुळे बेकारी तर वाढणारच आहे तर माध्यमिक तथा उच्च माध्यमिक शिक्षकांना वर्गाची झाडलोट व्यवस्था तासिका घंटा वाजवायला लावण्याचे कटकारस्थान आखून शासन समाजासमोर शिक्षकांना अपमानीत करीत असल्याचा आरोप योगेश बन यांनी केला. 

हेही वाचा - यवतमाळ आरडीसींच्या अचानक बदलीने आश्‍चर्य; नितीनकुमार...

हा जाचक निर्णय तत्काळ परत घेतला नाही तर शिक्षक परिषद राज्यभर तीव्र आंदोलन उभारेल, असा इशारा महाराष्ट्र राज्य शिक्षक परिषदेचे विभाग कार्यवाह योगेश बन यांनी यावेळी दिला. या आंदोलनासाठी नागपूर विभागातून मोठ्या संख्येने शिक्षक कर्मचारी सहभागी झाले होते. आंदोलनाचे नेतृत्व नागपूर विभागाचे शिक्षक आमदार आणि राज्याचे कार्याध्यक्ष आमदार नागो गाणार, उपाध्यक्ष राधेश्याम पंचबुद्धे यांनी केले. कोषाध्यक्ष नरेश कामडे, प्राथमिक विभागाच्या अध्यक्षा रंजना कावळे, कार्यवाह हेमंत बेलखोडे, राजेंद्र पटले, सुभाष गोतमारे, सुधीर वारकर, मनीषा कोलारकर, सुनील पाटील, प्रमोद बोढे, सचिन गिरी राहुल शेंद्रे ,योगराज ढेंगे, श्रीवंत शेंडे, सतीश भारत, दिलीप बमनोटे, मोहम्मद फारुख, सलीम शेख,मोहम्मद फैय्याज, मेघराज फुलके, पुरुषोत्तम चौधरी, रूपेंद्र बसेशंकर, अतुल टेकाडे आदी आंदोलनात सहभागी झाले होते.