नागपूर : महानगरपालिका आणि इंडियन मेडिकल असोशिएनशच्या संयुक्त विद्यमाने ‘कोव्हिड संवाद’ या ‘फेसबुक लाईव्ह’मध्ये सोमवारी (ता.१४) त्यांनी नागरिकांशी संवाद साधला. यावेळी डॉ. मंजूषा गिरी उपस्थित होत्या. ते म्हणाले, कोरोनाचा प्रादुर्भाव कमी करण्यासाठी आणि त्याचे प्रसारक होण्यापासून टाळण्यासाठी नियमांचे पालन करणे गरजेचेच आहे. प्रत्येकाने मास्क लावणे अनिवार्य आहेच शिवाय फिजिकल डिस्टंन्सिंग ठेवणे, सॅनिटायजरचा वापर करणे आणि प्रत्येक तासाला साबणाने स्वच्छ हात धुवावे.

‘गुच्छी‘चे दर किलोला तीस हजार तरीही संपते हातोहात, जाणून घ्या कारणे...

शिवाय ताप, सर्दी, खोकला, अंगदुखी, श्वास घ्यायला त्रास, दम लागणे अशी काही लक्षणे आढळल्यास लपविण्यापेक्षा त्वरित कोविड चाचणी करून घ्यावी. त्यामुळे तातडीने निदान होऊन उपचाराला सुरुवात करता येईल. कोविडच्या अँटीजेन आणि आरटीपीसीआर अशा दोन चाचण्या केल्या जातात. या चाचण्यांचा अहवाल मिळताच डॉक्टरांच्या सल्ल्याने आवश्यक काळजी घ्या. चाचणीचा अहवाल निगेटिव्ह आल्यानंतर मला काहीच होऊ शकत नाही, अशी भावना ठेवू नका. नियमांचे योग्य पालन हेच कोरोनापासून दूर राहण्याचे मोठे सूत्र आहे. योग्य आहार घ्या, असे आवाहनही डॉ. गावंडे यांनी केले. 

सध्या ती काय करते? 'स्वदेश' फेम गायत्री जोशीची कहाणी, वाचा...

कोरोनापेक्षाही अनेक मोठ्या धोकादायक साथरोगांचा सामना केला आहे. स्वाईन फ्ल्यूसारख्या संसर्गजन्य आजारांमध्ये कोरोनाच्या तुलनेत मृत्यूदर जास्त होता. त्यामुळे या संसर्गजन्य आजाराला घाबरण्याची नव्हे तर योग्य काळजी घेण्याची गरज आहे, असे शासकीय वैद्यकीय महाविद्यालयाचे वैद्यकीय अधीक्षक व प्रसिद्ध बालरोगतज्ज्ञ डॉ. अविनाश गावंडे यांनी नमूद केले. तातडीने उपचारासाठी लवकर चाचणी करा, असा उपदेशही त्यांनी नागरिकांना दिला. 

मुलांना बाहेर फिरविण्याचे टाळा 
लहान मुलांना वाहनांवरून बाहेर फिरविणे टाळा. निर्जंतुकीकरण अशक्य असलेल्या वस्तूंपासून स्वत:ला व मुलांनाही दूर ठेवा. मुले पालकांचे अनुकरण करतात, त्यामुळे हा काळ त्यांना चांगल्या सवयी लावण्याचा आहे. जबाबदारीने वागा आणि मुलांनाही जबाबदारीने वागण्यास शिकवा, असा सल्लाही डॉ. गावंडे यांनी दिला. 

(संपादन : प्रशांत राॅय)