नागपूर : शदर पोलिस दलात मोठा फेरबदल करण्यात आला आहे. सहायक पोलिस आयुक्तांसह पोलिस निरीक्षकांच्या बदल्या करण्यात आल्या आहेत. काहींना अपेक्षित तर काहींच्या मनाविरुद्ध बदल्या झाल्याने कही खुशी, कही गम असे चित्र सद्या दिसून येत आहे.

पोलिस आयुक्त अमितेशकुमार यांनी शुक्रवारी सहायक आयुक्तांसह २१ निरीक्षकांच्या तडकाफडकी बदल्या केल्या. गुन्हेशाखेचे सहायक पोलिस आयुक्त सुधीर नंदनवार यांच्याकडे सदर विभागाचा कार्यभार आणि सीताबर्डी विभागाचीही अतिरिक्त जबाबदारी सोपविण्यात आली आहे. सदर विभागाच्या रेखा भवरे यांना विशेष शाखेत पाठविण्यात आले आहे.

नक्की वाचा - याला म्हणतात विश्वास! सदस्यांनी नाकारले, पण गावकऱ्यांनी स्वीकारले अन् पद जाता-जाता वाचले

जरीपटका विभागाचे सहायक पोलिस आयुक्त पी. एम. कार्यकर्ते याच्याकडे एमआयडीसी विभागाच्या जबाबदारीसह सोनेगाव विभागाचाही अतिरिक्तभार देण्यात आला आहे. निरीक्षकांच्या बदल्यांमध्ये काहींची कायमस्वरूपी तर काहींची प्रभारी स्वरूपात बदली करण्यात आली आहे. तक्रार निवारण कक्षाच्या व्ही. जे. मांडवधरे मानकापूरच्या प्रभारी असतील.

गुन्हे शाखेचे जी. के. कल्याणकर यांच्याकडे गिट्टीखदान पोलिस ठाणे, आरोपी सेलचे भारत क्षीरसागार यांची गणेशपेठ ठाण्यात, गुन्हेशाखेचे विनोद चौधरी यांची अजनीत, किशोर पर्वते - नंदनवन, अशोक मेश्राम यांची यशोधरानगर तर सदरचे अमोल देशमुख यांची कपिलनगर ठाण्यात प्रभारी अधिकारीपदी नियुक्ती करण्यात आली. 

गिट्टीखदानचे सुनील चव्हाण - आर्थिक गुन्हेशाखा, यशोधरानगरचे रमाकांत दुर्गे -विशेष शाखा, नंदनवनचे सांदिपन पवार - गुन्हेशाखा, मानकापूरचे गणेश ठाकरे - नियंत्रण कक्ष, आर्थिक गुन्हेशाखेचे ललित व्हर्टिकर -विशेष शाखा, कपिलनगरचे एम.डी.शेख -गुन्हेशाखा, नियंत्रण कक्षाचे एस. एस. कुमरे - गुन्हेशाखा,

जाणून घ्या - नशीब लागतंय राव! ईश्वरचिठ्ठीने निवडून आली महिला अन् आता होणार सरपंच

आर्थिक गुन्हेशाखेचे प्रशांत माने सीताबर्डी, अजनीचे प्रदीप रायण्णावार, गिट्टीखदानचे एस. एस. अढाऊ, शांतीनगरचे के. बी. उईके यांची गुन्हेशाखेत, गुन्हेशाखेच्या तृप्ती सोनवणे यांची जरीपटका, वाहतूक शाखेच्या आशालता खापरे यांची सदर ठाण्यात बदली करण्यात आली आहे.