नागपूर : देशभरात काँग्रेसने कोरोना पसरवला असा आरोप करणारे पंतप्रधान नरेंद्र मोदी यांच्या वक्तव्याविरोधात बुधवारी काँग्रेसच्यावतीने संविधान चौकात ‘शर्म करो मोदीजी...''अशा घोषणा देऊन आंदोलन केले. ‘नमस्ते ट्रम्प’ या कार्यक्रमाच्या माध्यमातूनच मोदी यांनी देशभरात कोरोना पसरवल्याचा आरोपही यावेळी काँग्रेसच्या नेत्यांनी केला.

शहर काँग्रेसचे अध्यक्ष आमदार विकास ठाकरे यांच्या नेतृत्वात आंदोलन करण्यात आले. यात आजी-माजी मंत्र्यांसह सर्व पदाधिकारी व कार्यकर्ते सहभागी झाले होते. बिहार, पश्चिम बंगाल, आसाम, तामिळनाडू, केरळ,पाँडेचेरी या राज्यात विधानसभा निवडणुका घेतल्या. त्यामुळे कोरोना पसरविण्याचे काम हे केंद्र सरकारनेच केले आहे.

आता उत्तर प्रदेशमधील विधानसभा निवडणूक डोळयासमोर ठेवून स्वतःचे पाप महाराष्ट्रावर लादण्याचा केविलवाणा प्रयत्न नरेद्र मोदी करीत आहेत. मोदींनी जनतेचा कुठलाही विचार न करता थेट लाकडाउन लावले. या दरम्यान दळणवळण यंत्रणासुद्धा बंद केली होती. यामुळे परराज्यातील मजुरांना, मुलाबाळांना घेऊन हजारो किलोमीटर पायी चालायला लावले. मोदी यांच्या अमानवीय निर्णयामुळे अनेकांना प्राणसुद्धा गमवावे लागले होते,अशी टीका यावेळी करण्यात आली.

आंदोलनात अनिस अहमद, विशाल मुत्तेमवार, अतुल कोटेचा,संजय महाकाळकर, नंदा पराते, नैश अली, गिरीश पांडव, डॉ.गजराज हटेवार, रमण पैगवार, प्रशांत धवड, तनुज पांडे, दिनेश तराळे, ईरशाद अली, डॉ.सुधीर आघाव, मिलिंद दुपारे, डॉ.मनोहर तांबुलकर, डॉ. प्रकाश ढगे, ज्ञानेश्वर ठाकरे, राजेश पौनीकर, पंकज निघोट, मोतीराम मोहाडीकर, युवराज वैद्य,अब्दुल शकील, पंकज थोरात, सुरज आवळे, गोपाल पट्ट्म, सुनिता ढोले, राजकुमार कमनानी, रजत देशमुख, विश्वेश्वर अहीरकर, प्रवीण गवरे, सर्फराज खान, सुनिल पाटील, ईरशाद मलिक, प्रमोद ठाकूर, बालू शेख, नगरसेवक रमेश पुणेकर, मनोज सांगोळे, संदीप सहारे, भावना लोणारे, स्नेहा विवेक निकोसे, रश्मी राऊत, आयशा उईके, जुल्फीकार अली भुटटो, ॲड. अभय रणदिवे, अण्णाजी राऊत, लंकेश उके, विवेक निकोसे, प्रशांत ढाकणे, गुडडु तिवारी, सुजाता कोंबाडे, नरेश शिरमवार,राजेश कुंभलकर आदी सहभागी झाले होते.