Nitin Gadkari vs Vikas Thakre 
नागपूर

Nagpur Lok Sabha Election Results: नागपूरची पसंती रोडकरींच्या विकासाला, गडकरींनी दिला ठाकरेंना धोबीपछाड

Nagpur Constituency Result 2024 BJP Nitin Gadkari Winner: गडकरी हे तिसऱ्यांना भाजपकडून लोकसभेच्या रिंगणात होते. तर, काँग्रेसने त्यांच्या विरोधात विकास ठाकरे यांना तिकीट दिलं होतं. (Congress Vikas Thakre)

कार्तिक पुजारी

Nagpur Nitin Gadkari Won- भारताच्या शब्दश: केंद्रस्थानी असलेल्या नागपूरच्या लढतीकडे देशाचं लक्ष लागलं होतं. याठिकाणी अपेक्षेप्रमाणे केंद्रीय मंत्री नितीन गडकरी यांना विजय झाला आहे. गडकरींनी देशभरात विकास कामे करुन स्वत:ची आणि नागपुरची वेगळी ओळख निर्माण केली आहे. गडकरी हे तिसऱ्यांदा भाजपकडून लोकसभेच्या रिंगणात होते. तर, काँग्रेसने त्यांच्या विरोधात विकास ठाकरे यांना तिकीट दिलं होतं. नागपूरमध्ये भाजप विरुद्ध काँग्रेस अशी थेट लढत होती.

उमेदवार----------------------------मतं----------------------मताधिक्य

नितीन गडकरी------------ ६,५५,०२७ मतं (५४.१ टक्के)---- १ लाख ३७ हजार

विकास ठाकरे-------------- ५,१७,४२४ (४२.७ टक्के )

नितीन गडकरी यांनी या मतदारसंघामध्ये मोठ्या मताधिक्याचा दावा केला होता. माझ्या कामाच्या जिवावरच लोक मला निवडून देतील असा विश्वास त्यांनी व्यक्त केला होता. दुसरीकडे, विकास ठाकरे यांच्या विजयासाठी काँग्रेसने चांगलाच जोर लावला होता. त्यामुळे नागपुरकर नेमकं कुणाच्या बाजूने कौल देतात हे पाहणं औत्सुक्याचं होतं. अखेर नागपूरकरांनी गडकरींच्या बाजूने कौल दिला आहे.

नागपुरमधील विधानसभा मतदारसंघांची स्थिती

नागपुरची लोकसंख्या ४६,५३,५७० इतकी आहे. नागपूरमध्ये एकूण १२ विधानसभा मतदारसंघ आहेत. कधीकाळी नागपूर हा काँग्रेसचा बालेकिल्ला समजला जायचा, पण २०१४ मध्ये नितीन गडकरींनी पहिल्यांदा खासदारकीची निवडणूक लढवली, त्यानंतर ते सलग दोनवेळा या मतदारसंघातून विजयी झाले. २०१४ पेक्षा २०१९ मध्ये गडकरींना जास्त मतं मिळाली होती. गडकरींना २०१९ मध्ये ६,५७,६२४ इतकी मतं मिळाली होती.

२०१९ मध्ये गडकरींना काँग्रेसने नाना पटोले यांनी आव्हान दिले होते. पटोलेंचा पराभव झाला खरा पण त्यांनी ४ लाखांपेक्षा जास्त मतं घेतली होती. त्यामुळे पटोलेंनी गडकरींना चांगली लढत दिली असं बोललं गेलं. यंदा काँग्रेसने नागपुरमध्ये त्यांच्या तुल्यबल उमेदवार दिला नाही अशी चर्चा सुरु झाली होती.

तसं पाहिलं तर विकास ठाकरे यांनी लढत एकतर्फी होऊ दिली नाही. विकास ठाकरे हे स्थानिक नेते आहेत. नागपूर शहर काँग्रेसचे अध्यक्ष आणि नागपूर पश्चिम विधानसभा मतदारसंघाचे ठाकरे आमदार आहेत. जवळपास तीन दशकांपासून ते काँग्रेसशी जोडले गेले आहेत. शिवाय ते कुणबी समाजातून येत असल्याने याचा देखील त्यांना फायदा होईल असं सांगितलं जातं होतं. नागपुरमध्ये आलेल्या पुराचा फटका गडकरींना बसेल असाही एक सूर होता.

निकालावर परिणाम करणारे घटक

  • शहरातील विकासाची कामे

  • नितीन गडकरी यांचा वैयक्तिक करिष्मा

  • जातीय ध्रुवीकरण टळले

  • घसरलेला मतदानाचा टक्का

  • कडक उन्हामुळे मतदानाप्रती नागरिकांची उदासीनता

  • लढवय्या नेता म्हणून आमदार विकास ठाकरे यांची प्रतिमा

  • मुस्लिम आणि एससी मतांचा निश्चित अंदाज न लागणे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

Latest Marathi News Updates : दक्षिण मुंबईतील गणेशोत्सव मंडळांची बैठक सुरु, अडचणींवर व नियोजनाबाबत होणार चर्चा

Video: प्रेमाची तालिबानी शिक्षा! काकाच्या मुलीवर प्रेम जडलं; रागात गावकऱ्यांनी प्रेमीयुगुलांना नांगराला जुंपलं, व्हिडिओ व्हायरल

८ चेंडूंत ६ विकेट्स.. पाच त्रिफळाचीत ! Kishor Kumar Sadhak ने इंग्लंडमध्ये सलग दोन षटकांत घेतल्या दोन Hat-Tricks

Parenting tips: पेराल ते उगवेल, आई वडिलांकडून अशा प्रकारे सवयी शिकतात मुलं

SCROLL FOR NEXT